Իրանի նախազգուշացումը Թուրքիային

Քաղաքական09:08, 10 Հոկտեմբեր 2014

Իրանի նախազգուշացումը Թուրքիային

Իրանի Իսլամական Հանրապետության փոխարտգործնախարար Հուսեին Էմիր Աբդուլլահիյանը մերձավոր արևելքի ռազմավարական հետազոտությունների կենտրոնում կազմակերպված «Իրաք և ԻՊ-ի դեմ միջազգային դաշինքը» թեմայով միջոցառմանը հանդես է եկել ելույթով:

Ըստ թուրքական «Ջումհուրիյեթ» լրատվականի` Աբդուլլահիյանը հստակորեն շեշտել է, որ Իրանը թույլ չի տալու ոչ ոքի տապալել Սիրիայի նախագահ Բաշար Ասադի վարչակազմը: Իրանցի դիվանագետը նշել է, որ եթե ԱՄՆ-ն կամ մեկ այլ պետություն մտադրվի զորք մտցնել Սիրիայի տարածք, ապա դա հղի կլինի շատ վտանգավոր հետևանքներով:

«Նման նախազգուշացում արել ենք նաև Թուրքիային»,- նշել է Իրանի փոխարտգործնախարարը` հավելելով, որ Իրանը օգնություն է ցուցաբերում Սիրիային Քոբանիում ստեղծված ծանր դրությունը հաղթահարելու համար` առանց մանրամասնելու, թե ինչ տեսակ օգնության մասին է խոսքը:

Աբդուլլահիյանը նաև նշել է, որ «Իսլամական պետություն» ահաբեկչական խմբավորման գրոհայինների կողմից պաշարված քրդաբնակ Քոբանիի աղետյալ վիճակը հարթելու համար Իրանը երկխոսում է տարածաշրջանի երկրների, այդ թվում նաև Թուրքիայի հետ, որը կարևոր դեր կարող է ունենալ սիրիացի փախստականներին իրենց հայրենիք վերադարձնելու գործում:

Ermenihaber.am