Ստամբուլի համալսարանում 28 «մուսուլման ուսանող» է ձերբակալվել

Տարածաշրջան11:35, 10 Հոկտեմբեր 2014

Ստամբուլի համալսարանում 28 «մուսուլման ուսանող» է ձերբակալվել

Հյուսիսային Սիրիայի քրդաբնակ Քոբանի քաղաքի վրա «Իսլամական պետություն» (ԻՊ) ահաբեկչական կազմակերպության գրոհայինների գործած հարձակումների կապակցությամբ Թուրքիայում սկսված ցույցերի հետևանքով տեղի ունեցած բախումները տարածում են գտել նաև կրթական հաստատություններում:

Ստամբուլի համալսարանի Բնական գիտությունների ֆակուլտետի շենքի դիմաց հավաքված մահակներով զինված ուսանողները ցանկացել են մուտք գործել համալսարանի մասնաշենք: Ոստիկաններն արգելել են իրենց «մուսուլման ուսանողների խումբ» հորջորջած ուսանողների մուտքը համալսարան և ձերբակալել նրանց:

Ոստիկաններին դիմադրող 5 ուսանողներ ոստիկաների ուղղությամբ «Ալլահաքբար», «Իսլամին հասցրած վիրվորանքն անպատասխան չի մնա», «Կեցցեն մուսուլման ուսանողները» և այլ բացականչություներ են արել:

Թուրքական «Դեմոկրատ հաբեր» լրատվական կայքի հաղորդմամբ՝ երեկ էլ ոստիկանները ձերբակալել են ձախակողմյան հայացքներ ունեցող 28 ուսանողի, որոնք կրկին «մուսուլման ուսանողներ» անվան տակ փորձել են հարձակվել Քոբանիի դեպքերի կապակցությամբ բողոքի ակցի անցկացնող ուսանողների վրա:

Ermenihaber.am