Թուրքիան զենքով օգնել է Իրաքյան Քուրդիստանին

Տարածաշրջան13:20, 13 Հոկտեմբեր 2014

Թուրքիան զենքով օգնել է Իրաքյան Քուրդիստանին

Իրաքյան Քուրդիստանի նախագահ Մասուդ Բարզանին ցնցող հայտարարությամբ է հանդես եկել: Այս մասին տեղեկացնում է թուրքական «Ուլուսալ քանալ» լրատվակայքը` հղում տալով «Skynews»-ին: Աղբյուրը հայտնում է, որ Բարզանին խոսել է Թուրքիայի իշխանություններից զենք ստանալու մասին: Վերոնշյալ լրատվականի թղթակցի հետ զրույցում Բարզանին ասել է, որ Թուրքիայի կառավարությունը ռազմական օգնություն է ցւոցաբերել` զենք տրամադրելով իրաքյան Քուրդիստանին:

«Հարկավոր է խոսել իրողությունների մասին: Երբ ահաբեկչական խմբավորում «ԻՊ»-ը (Իսլամական պետություն) հարձակվեց, հենց առաջին գիշերը իրանցիները մեզ զենքերով լի բեռնված ինքնաթիռ ուղարկեցին: Այդ պահի համար դա մեծ օգնություն էր: Հետո այլ օգնություններ էլ ստացանք, բայց ռազմական առաջին օգնությունն Իրանից է եղել: Թուրքիայից էլ օգնության ակնկալիք կար, Թուրքիան որոշ ժամանակ անց օգնություն ուղարկեց և ցանկացավ, որ այդ մասին չբարձրաձայնվի, քանի որ այդ ժամանակ նախագահական ընտրություններ էին և «ԻՊ»-ի մոտ թուրք պատանդներ կային»,- պատմել է Բարզանին:

Ermenihaber.am