Էրդողանի` նախագահ դառնալուց հետո իշխող կուսակցության վարկանիշն անկում է ապրել

Քաղաքական13:59, 24 Հոկտեմբեր 2014

Էրդողանի` նախագահ դառնալուց հետո իշխող կուսակցության վարկանիշն անկում է ապրել

Վերջին օրերին Քոբանիի պաշտպանության համար Թուրքիան ցնցած բողոքի ցույցերի հուժկու ալիքը փոխել է զանգվածների քաղաքական տրամադրվածությունը: Թուրքական «Հաբեր 1» լրատվականը նշում է, որ այդ փոփոխությունն ակնհայտ է դառնում բոլորովին վերջերս անցկացված սոցհարցման արդյունքներում:

Հանրային կարծիքի ուսումնասիրմամբ զբաղվող «Gezici» ընկերության փողոցում անկացրած սոցհարցման արդյունքներից պարզ է դարձել, որ իշխող կուսակցության` «Արդարություն և զարգացում» (ԱԶԿ-AKP) վարկանիշը նկատելի անկում է ապրել: Նշվում է, որ անկումը տեղի է ունեցել հատկապես այն բանից հետո, երբ Ռեջեփ Թայիփ Էրդողանը դարձել է հանրապետության նախագահ: Փոխարենը վարկանիշային աճ են արձանագրել ընդդիմադիր «Ժողովրդահանրապետական» (ԺՀԿ) և «Ազգայնական շարժում» (ԱՇԿ) կուսակցությունները:

Այսպիսով Թուրքիայի 36 նահանգներում 18 և բարձր տարիքային խմբի 3.292 քաղաքացիների շրջանում անցկացված հարցումներից պարզվել է, որ եթե 2015-ի կայանալիք խորհրդարանական ընտրությունները տեղ ունենային 2014-ի հոկտեմբերին, ապա հարցվածներն իրենց ձայները կտային ներքոնշյալ տեղաբաշխվածությամբ.

ԱԶԿ – 41.4 %

ԺՀԿ – 27.4 %

ԱՇԿ – 19.7 %

ԺԴԿ (Ժողովուրդների դեմոկրատական կուսակցություն) – 8.1 %

ԲԿ (Բարօրություն կուսակցություն) – 2.2 %

Այլ – 1.2 %

Ermenihaber.am