Թուրք ընդդիմադիրը քննադատել է Դավութօղլուի հայ խորհրդականին

Տարածաշրջան11:31, 05 Նոյեմբեր 2014

Թուրք ընդդիմադիրը քննադատել է Դավութօղլուի հայ խորհրդականին

Երեկ թուրքական «Ազգայնական շարժում» կուսակցության (ԱՇԿ-MHP) նախագահ Դևլեթ Բահչելին ելույթ է ունեցել կուսակցության համագումարում, որտեղ սուր քննադատության է ենթակրկել կառավարող «Արդարություն և զարգացում» կուսակցությանը:

Թուրքական կառավարության նախաձեռնած թուրք-քրդական հաշտության գործընթացը քննադատելիս Բահչելին անդրադարձել է նաև վարչապետ Ահմեթ Դավութօղլուի գլխավոր խորհրդական նշանակված հայազգի Էթյեն Մահչուփյանին, ով ևս ներգրավվծ է հաշտեցման գործընթացի աշխատանքներին:

Թուրքական «T24» լրատվական կայքի հաղորդմամբ՝ Բահչելին վերջինիս մասին մասնավորապես ասել է. « Վարչապետի՝ «մահչուփյանությամբ» հայտնի խորհրդականը, ով իր գրիչը միշտ գործածել է ժողովրդի դեմ, պարզաբանել է, որ հաշտեցման գործընթացի ընթացքում շատ բաների է հասել: Այդ խորհրդականը, կարը պատռած կարկատանի պես բացվելով, ասել է, որ տարածաշրջանի կայունությունը կախված է ՔԲԿ-ից (Քուրդիստանի բանվորական կուսակցություն): Ահա սա է Թուրքիայի իրական պատկերը»:

Ermenihaber.am