ERMENI HABER AJANSI

Թուրքիայի վարչապետ Ահմեթ Դավութօղլուն հրապարակել է կառավարության ռազմավարական ծարգրում տեղ գտած տնտեսական առաջնահերթությունները: Ըստ «Դողան» լրատվական գործակալության`վարչապետը հայտնել է, որ նպատակադրվել են մինչև 2018 թվականը Թուրքիայի ՀՆԱ-ն դարձնել 1.3 տրիլիոն դոլար,  ընթացիկ դեֆիցիտը դարձնել 5.2 տոկոս, գործազրկության մակարդակը նվազեցնել 7 տոկոսի, արտահանման և ներմուծման հարաբերակցություն տոկոսը դարձնել 70, իսկ էներգասպառման մեջ տեղական աղբյուրների արտադրածը հասցնել 35 տոկոսի:

Հայտնի են դարձել, հիմնարար կետերը, որոնք հռչակվել են առաջնահերթություն Թուրքիայի տնտեսության զարգացման ծրագրում:

1. Նվազեցնել կախվածությունը ներմուծումներից:

2. Տեխնոլոգիաների ոլորտներում առևտրայնացման ծրագիր իրականացնել:

3. Պետական գնումների ճանապարհով աջակցել տեղական արտադրությանը:

4. Տեղական աղբյուրների վրա հիմնված էներգիայի արտադրություն կազմակերպել:

5. Էներգակիրների արդյունավետ օգտագործման մեխանիզմներ զարգացնել:

6. Գյուղատնտեսությունում ջրօգտագործման արդյունավետությունը բարձրացրացնել:

7. Բժշկական արդյունաբերության ոլորտում կառուցվածքային բարելավում իրականացնել:

8. Խթանել առողջապահական զբոսաշրջությունը:

Ermenihaber.am