Էրդողան. «Ամեն մեկի ցանկություններին հարմարեցված Աթաթուրք գոյություն չունի»

Տարածաշրջան07:57, 11 Նոյեմբեր 2014

Էրդողան. «Ամեն մեկի ցանկություններին հարմարեցված Աթաթուրք գոյություն չունի»

Թուրքիայի նախագահ Ռեջեփ Թայիփ Էրդողանը Թուրքիայի Հանրապետության հիմնադիր, առաջին նախագահ Մուստաֆա Քեմալ Աթաթուրքի մահվան 76-րդ տարելիցի կապակցությամբ ելույթ է ունեցել Աթաթուրքի անվան մշակույթի, լեզվի և պատմության գերագույն խորհրդի կողմից կազմակերպված միջոցառման ժամանակ:

Թուրքական «Զաման» թերթի փոխանցմամբ՝ էրդողանը, խոսելով «Նոր Թուրքիա» հասկացության մասին, նշել է, որ այդ մասին առաջին հիշատակումները հանդիպել է հենց Քեմալ Աթաթուրքի «Ելույթներ» գրքում:

«Մուստաֆա Քեմալ Աթաթուրքը 1920 թվականի ապրիլի 20-ին հիմնված Թուրքիան է համարել «Նոր Թուրքիա», ինչպես և մենք: Հավատում եմ, որ նոր Թուրքիան կդադարի Մուստաֆա Քեմալի անձը կամ անունը շահարկելու գործիք լինելուց և կդառնա Թուրքիա, որտեղ զինվորը, հրամանատարը, խորհրդարանի նախագահը, երկրի ղեկավարը և ազգային կամքը կընկալվեն որպես մեկ անձ, մեկ մարդ»,-ասել է Թուրքիայի նախագահը:

Վերջինս ընդգծել է նաև, որ Աթաթուրքի մահվաից հետո բոլորը նրան իրենց իրենց շահերին, գաղափարներին և աշխարհայացքներին են համապատասխանեցրել: Հանրապետության շրջանում նրա անունը և հիշատակը շահագործելով փորձեր են կատարվել օրինականացնել բազում գործեր, որոնք վտանգ են ներկայացրել ազգային միասնությանը և ժողովրդավարությանը: «Ամեն մեկի անձնական ցանկություններին և սպասելիքներին հարմարեցվածԱթաթուրք գոյություն չունի»,- եզրափակել է Էրդողանը:

Ermenihaber.am