Գործազրկության պաշտոնական ու մասնավոր ցուցանիշները Թուրքիայում

Տնտեսական09:59, 19 Նոյեմբեր 2014

Գործազրկության պաշտոնական ու մասնավոր ցուցանիշները Թուրքիայում

Թուրքիայի վիճակագրական ծառայությունը (TÜİK) տվյալներ է հրապարակել երկրում առկա գործազրկության մակարդակի մասին: «Սի էն էն թուրք» լրատվականը տեղեկացնում է, որ TÜİK-ի վիճակագիրների տվյալներով` Թուրքիայում գործազուրկների թիվը աճել է` հասնելով 2մլն 944 հազարի, կամ որ նույնն է` 10.1 տոկոսի: Ի հակադրություն հրապարակված այս ցուցանիշի` Թուրքիայի աշխատավորական արհմիությունների կոնֆեդերացիայի հետազոտական ինստիտուտը (DİSK-AR) պնդում է, որ իրականում գործազրկության մակարդակը շատ ավելի բարձր է, քան ներկայացվում է հանրությանը:

DİSK-AR-ի հետազոտությունների համաձայն` գործազուրկների թիվը հասնում է 5 մլն 460 հազարի, կամ որ նույննէ ` 17.1 տոկոսի: Ընդգծվում է, որ գործազրկությունն ավելի սուր է արտահայտված կանանց շրջանում: Պաշտոնապես ներկայացվում է, թե կանանց գործազրկությունը կազմում է 12.7 տոկոս, մինչդեռ, ըստ DİSK-AR-ի, իրականում այն կազմում է 25.46 տոկոս: Երիտասարդների շրջանում առկա գործազրկության ցուցանիշները ևս տարբեր են. ըստ պաշտոնական վիճակագրության` այն կազմում է 19.2 տոկոս, ըստ DİSK-AR-ի` 28 տոկոս:

Ermenihaber.am