ERMENI HABER AJANSI

Թուրքական մամուլն արձագանքել է ՅՈՒՆԵՍԿՕ-ի կողմից լավաշը ոչ նյութական մշակութային ժառանգության ներկայացուցչական ցանկում ներառելու փաստին: ՅՈՒՆԵՍԿՕ-ի որոշումն ակնհայտորեն դժգոհություն է առաջացրել  թուրքերի շրջանում, ինչի մասին վկայում են լուրերի վերնագրերը. «Լավաշը Հայաստանին հանձնեցինք», «Լավաշը Հայաստանի մշակութային ժառանգությունը դարձավ», «Լավաշը կորցրեցինք», «ՅՈՒՆԵՍԿՕ-ն շոկի մեջ գցեց Թուրքիային» և այլն:

Հյուրրիեթ» թերթն անգամ հիշեցրել է Թուրքիայի մշակույթի նախարար  Օմեր Չելիքի՝ լավաշը ՅՈՒՆԵՍԿՕ-ի ոչ նյութական մշակութային արժեքների ցանկում ընդգրկելու մասին վերջերս տված խոստումը: Նախարարը  ժամանակին հայտարարել էր, որ Ադրբեջանի հետ համատեղ մի շարք առաջարկներ են ներկայացնելու ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկել տալու համար և այդ առաջարկների մեջ առաջնային տեղ է զբաղեցնում լավաշը:

ՄԱԿ-ում Թուրքիայի մշտական ներկայացուցիչ Ավնի Բոսթալըն թուրքական «Ջիհան» լրատվական գործակալությանը որոշման մասին մանրամասներ ներկայացնելով, հայտնել է, որ որոշման տեքստում նշվում է, որ լավաշը օգտագործվում է  նաև տարածաշրջանում և դրանից դուրս ապրող այլ հասարակություններում:

Ermenihaber.am