Եվրամիության երկրներ կատարած Թուրքիայի արտահանումն աճել է

Տնտեսական13:44, 28 Նոյեմբեր 2014

Եվրամիության երկրներ կատարած Թուրքիայի արտահանումն աճել է

Թուրքիայի վիճակագրական ծառայությունը տվյալներ է հրապարակել, համաձայն որոնց, 2014-ի հոկտեմբերին արտաքին առևտրի դեֆիցիտը ամենանվազ ցուցանիշն է արձանագրել (6.25 մլրդ դոլար)` համեմատած վերջին 7 ամիսների հետ: Անցած տարվա նույն ժամանակահատվածի համեմատ ևս նվազում է դիտվում` 7.4 միլիարդից 6.3-ի: Այսպիսով արաքին առևտրի դեֆիցիտը նվազել է 15.8 տոկոսով:

Փորձագետներն ակնկալում էին, որ հոկտեմբերին արտահանումը կկազմի 12.8 մլրդ դոլար, իսկ ներմուծումը` 19.6 մլրդ դոլար: Մինրդեռ իրականում արտահանումը ստույգ կազմել է 12 մլրդ 933 մլն դոլար, իսկ ներմուծումը` 19 մլրդ 185 մլն դոլար: Այսպիսով արտահանումն աճել է 7.3 տոկոսով, իսկ ներմոուծման ծավալները նվազել են 1.5 տոկոսով: Արտահանման և ներմուծման հարաբերակցությունն էլ բարձրացել է 67.4 տոկոսի նախորդ տարվա 61.9 տոկոսի համեմատությամբ:

Նշվում է նաև, որ ավելացել են դեպի Եվրամիության երկրներ կատարվող արտահանման ծավալները: Նախորդ տարվա հոկտեմբերին արձանագրված 43.8 տոկոսի փոխարեն այս տարվա հոկտեմբերին գրանցվել է 44.2 տոկոս ցուցանիշ: Արտաքին առևտրի առաջին եռյակը Թուրքիայի համար կազմում են ներքոնշյալ երկրները հետևյալ ցուցանիշներով.

1. Չինաստան (2.79 մլրդ դոլար)

2. Գերմանիա (1.798 մլրդ դոլար)

3. Ռուսաստան (997 մլն դոլար)

Ermenihaber.am