Թուրք պաշտոնյան հակադարձել է սահմանի բացումը կամեցած Հռոմի պապին

Քաղաքական07:22, 04 Դեկտեմբեր 2014

Թուրք պաշտոնյան հակադարձել է սահմանի բացումը կամեցած Հռոմի պապին

Օրերս եռօրյա այցով Թուրքիայում գտնված Հռոմի պապ Ֆրանցիսկոս 1-ինը վերադարձի ճանապարհին լրագրողներին ասել էր, թե հայ-թուրքական սահմանի բացումն իր սրտի ցանկությունն է, և որքան լավ կլինի, եթե այն բացվի: Պապը նաև նշել էր, որ պետք է աղոթել հայ և թուրք ժողովուրդների հաշտեցման համար:

Թուրքայի երիտասարդության և սպորտի կոնֆեդերացիայի նախագահի պաշտոնակատար Ալփայ Գյուրելը: Վերջինս նշել է, որ թեև ուրախ են պապի կատարած այցելությունից, բայց նա պետք է իմանա, որ կառուցողականության հրավերը պետք է հասցեագրի ոչ թե Անկարային, այլ Երևանին: Գյուրելը դժգոհել է, որ Հայաստանը չի ճանաչել Թուրքիայի արևելյան սահմանները, իբրև թե գրավել է ադրբեջանական տարածքները:

«Քանի դեռ Հայաստանը չի փոխհատուցել հայկական օկուպացիայից տուժած Ադրբեջանի քաղաքացիներին, Թուրքիան չի բացի Հայաստանի հետ ունեցած սահմանը: Երբ որ հայերը վերջ կդնեն իրենց օկուպացիային, այն ժամանակ էլ Թուրքիայից կարող են բարիդրացիություն սպասել: Ներկա պայմաններում սահմանի բացման քննարկումները կարժանան թուրք երիտասարդության բուռն ռեակցիային»,- ըստ թուրքական «Բուջաք գյունդեմ» լրատվակայքի` ասել է թուրք պաշտոնյան:

Ermenihaber.am