Թուրքիան սատարում է Ադրբեջանի ու Վրաստանի տարածքային ամբողջականությունը

Տարածաշրջան13:43, 10 Դեկտեմբեր 2014

Թուրքիան սատարում է Ադրբեջանի ու Վրաստանի տարածքային ամբողջականությունը

Կարսում տեղի է ունեցել Թուրքիայի, Ադրբեջանի և Վրաստանի արտգործնախարարների եռակողմ հանդիպումը: Այնուհետև կայացել է համատեղ մամուլի ասուլիս, որի ժամանակ Թուրքիայի արտգործնախարար Մևլութ Չավուշօղլուն արդյունավետ և դրական է գնահատել պաշտոնակիցների հետ անցկացրած հանդիպումը: Կողմերը վերահաստատել են Բաքու-Թբիլիսի-Ջեյհան նավթամուղի, Բաքու-Թբիլիսի-Կարս երկաթգծի և տրանսանատոլիական գազատարի վերաբերյալ նախագծերի կարևորությունը:

Չավուշօղլուն լրագրողներին նաև հայտնել է, որ արտգործնախարարների հետ իրենք քննարկել են տարածաշրջանային ու միջազգային զարգացումները: Կարևորել են տարածաշրջանում առկա հակամարտությունների խաղաղ կարգավորման ուղիները:

«Գոյություն ունեցող խնդիրների պատճառով Հայաստանը դուրս է մնացել տարածաշրջանային նախագծերից: Մենք սատարում ենք Ադրբեջանի ու Վրաստանի տարածքային ամբողջականությունը: Մեր ցանկությունն է, որ Հայաստանը հարևանների սահմանների նկատմամաբ հարգանք ցուցաբերի և տեղ զբաղեցնի մեր շարքերում: Այդ կերպ շղթայի բացակայող օղակը կլրացվի»,- ըստ թուրքական «Անադոլու» լրատվական գործակալության` ասել է Չավուշօղլուն:

Ermenihaber.am