Թուրքիայի օդուժի հրամանատարը ադրբեջանում քննարկել է ռազմական համագործակցության հարցեր

Տարածաշրջան10:05, 05 Մարտ 2015

Թուրքիայի օդուժի հրամանատարը ադրբեջանում քննարկել է ռազմական համագործակցության հարցեր

Թուրքիայի ռազմաօդային ուժերի հրամանատար, բանակի գեներալ Աքըն Օզթուրքը մեկնել է Ադրբեջան, որտեղ Բաքվում հանդիպում է ունեցել Ադրբեջանի պաշտպանության նախարար Զաքիր Հասանովի հետ:

Ըստ թուրքական «Ջիհան» լրատվական գործակալության` կողմերը հանդիպման ընթացքում քննարկել են թուրք-ադրբեջանական ռազմական համագործակցությունը և տարածաշրջանային մի շարք խնդիրներ: Ադրբեջանի պաշտպանության նախարարը կարևորել է Թուրքիայի Քոնիա քաղաքում անցկացված թուրք-ադրբեջանական ռազմաօդային ուժերի «Թուրազ բազե» զորավարժությունը:

Հիշեցնենք, որ Թուրքիայի Քոնիա քաղաքում օրերս տեղի էր ունեցել թուրք-ադրբեջանական ռազմաօդային ուժերի համատեղ զորավարժություն:

Զորավարժության ընթացքում, որին մասնակցել է 106 ադրբեջանցի զինծառայող, օգտագործվել են F-16, MIG-29, SU-25 F-4E 2020, E-7T տիպի մարտական ինքնաթիռներ, ինչպես նաև թուրքական արտադրության AS-532, UH-1H տեսակի ուղղաթիռներ: Զորավարժության նպատակը թուրք-ադրբեջանական ռազմական համագործակցության ընդլայնումն էր և կատարելագործումը:

Աղբյուր` Ermenihaber.am