Թուրքիան ձեռք կբերի F-35 տիպի 100 մարտական ինքնաթիռ

Տարածաշրջան09:06, 10 Մարտ 2015

Թուրքիան ձեռք կբերի F-35 տիպի 100 մարտական ինքնաթիռ

Թուրքիան նախատեսում են նոր տեսակի կործանիչներով փոխարինել վերջին ժամանակներում հաճախակի վթարվող F-4 ռազմական ինքնաթիռները: Թուրքական իշխանությունների հովանավորությունը վայելող «Սաբահ» պարբերականի կայքը հայտնում է, որ Անկարան պատրաստվում է ձեռք բերել կիսով չափ անտեսանելիության հատկությամբ օժտված «5-րդ սերնդի» F-35 տեսակի 100 կործանիչ:

2006-ին մեկնարկած JSF (Joint Strike Fighter- Համատեղ ռազմական ինքնաթիռներ) նախագծի շրջանակներում ավարտվել է ինքնաթիռների նախնական թեսթավորումը և սկսվել է դրանց արտադրությունը: JSF նախագծին մասնակցում են Միացյալ նահանգները, Թուրքիան, Մեծ Բրիտանիան, Իտալիան, Հոլանդիան, Կանադան, Ավստրալիան, Նորվեգիան և Դանիան:

Մասնակից երկրներից յուրաքանչյուրի ռազմական արդյունաբերությունն իր ներդրումն է ունենում այս ծրագրի շրջանակներում: Թուրքիան ակնկալում է, որ նախագծի իրականացումը կարագացվի և հնարավոր կլինի ինքնաթիռները ձեռք բերել նախատեսված 2020 թվականից ավելի շուտ:

Աղբյուր` Ermenihaber.am