Չավուշօղլու. «Հարավկովկասյան բոլոր խնդիրների կենտրոնում Հայաստանն է»

Քաղաքական09:26, 13 Մարտ 2015

Չավուշօղլու. «Հարավկովկասյան բոլոր խնդիրների կենտրոնում Հայաստանն է»

Թուրքիայի արգործնախարար Մևլութ Չավուշօղլուն «A Haber» հեռուստալիքի եթերից խոսել է հայ-թուրքական հարաբերությունների և Հայոց ցեղասպանության, ինչպես նաև անդրադարձել է թուրք-ամերկյան հարաբերություններում հայկական գործոնի մասին:

Չավուշօղլուն նշել է, որ Հայաստանի կառավարությունը 1915 թ. դեպքերի (Հայոց ցեղասպանություն-խմբ.) հետ կապված փորձում է ճնշում գործադրել տարբեր երկրների խորհրդարանների և կառավարությունների վրա: Չավուշօղլուն նշել է, որ իրենք էլ իրենց հերթին են պատասխան գործողություններ ձեռնարկում քաղաքական, դիվանագիտական և մշակութային ճակատներում:

«Եկեք բարեկամանաք ասելով` ձեռք ենք մեկնում, բայց նրանք տգեղ կերպով հետ են շպտում այն,- դժգոհություն է հայտնել թուրք նախարարը` հավելելով,- Հարավային Կովկասում առկա բոլոր խնդիրների կենտրոնում Հայաստանն է: Երկիր, որը խնդիրներ ունի իր բոլոր հարևանների հետ, պետք է իրեն հայելու մեջ նայի»:

Թուրքիայի արտգործանախարարը, ընգծելով, որ Թուրքիայի կառավարությունը ձեռնարկում է բոլոր անհրաժեշտ քայլերը Թուրքիայի ոչ մահմեդական փոքրամասնությունների`այդ թվում նաև հայերի իրավունքների պաշտպանման ուղղությամբ, հիշեցրել է, որ Թուրքիայում այժմ վերականգնվում են բազմաթիվ եկեղեցիներ, իսկ հայկական համայնքապատկան գույքը վերադարձվում է:

Այնուհետև Չավուշօղլուն հույս է հայտնել, որ 2015-ի իր ապրիլքսանչորսյան ուղերձում ԱՄՆ-ի նախագահ Բարաք Օբաման չի արտաբերի «ցեղասպանություն» եզրաբառը, քանի որ դա զգալի հարված կհասցնի թուրք-ամերկյան հարաբերություններին:

Աղբյուր` Ermenihaber.am