Ինջիրլիքից թռիչք կատարած անօդաչու սարքը Սիրիայի զինված ուժերի կողմից

Տարածաշրջան11:16, 18 Մարտ 2015

Ինջիրլիքից թռիչք կատարած անօդաչու սարքը Սիրիայի զինված ուժերի կողմից

Թուրքիայի հարավային Ադանա նահանգում գտնվող ՆԱՏՕ-ին պատկանող Ինջիրլիքի ռազմաբազայից թռիչք կատարած «Predator» տիպի մարտական անօդաչու սարքը ոչնչացվել է Սիրիայի զինված ուժերի կողմից:

Թուրքական «Հյուրիյեթ»-ը, մեջբերելով սիրիական «Սանա» լրատվական գործակալության հայտարարությունը, նշում է. «Սիրիայի օդային պաշտպանական ուժերը ոչնչացրել են ամերիկյան թշնամական հետախուզական ինքնաթիռը»:
Ըստ մի շարք թուրքական լրատվամիջոցների` Սիրիայի Լաթաքիա նավահանգստի շրջանում ոչնչացված ամերիկյան թռչող անօդաչու սարքը զինված չի եղել:

Դեպքից որոշ ժամանակ անց ԱՄՆ-ի Պաշտպանության նախարարության պաշտոնյաներից մեկը հայտարարություն է արել դեպքի հետ կապված և նշել է, որ սարքի ոչնչացման մանրամասները այժմ պարզաբանվում են:

Տեղեկացնենք, որ մի քանի օր առաջ «Իսլամական պետություն» (ԻՊ) ահաբեկչական կազմակերպության դեմ պայքարի նպատակով Թուրքիան և ԱՄՆ համաձայնության էին եկել Ինջիրլիք ռազմաբազայում տեղակայել ամերիկյան «Reaper» տիպի անօդաչու մարտական ինքնաթիռներ, որոնք իրենց վրա կրելու էին ավիառումբեր:

Աղբյուր` Ermenihaber.am