Երկու գերհզոր նավթարդյունաբերողներ պատրաստվում են համագործակցել Թուրքիայի հետ

Տնտեսական12:46, 23 Մարտ 2015

Երկու գերհզոր նավթարդյունաբերողներ պատրաստվում են համագործակցել Թուրքիայի հետ

Ավստրիական և ամերիկյան երկու խոշոր նավթարդյունաբերող ընկերություն բնական վառելանյութի որոնումներ կսկսեն Սև ծովի տարածքում: Թուրքական «memleket.com.tr» լրատվակայքը հայտնում է, որ Կենտրոնական Եվրոպայի ամենախոշոր նավթարդյունաբերական ընկերությունը՝ ավստրիական OMV-ն, և աշխարհի մասշտաբով խոշորագույն մասնավոր նավթարդյունաբերական ընկերություններից ամերիկյան Exxon-ը բնական վառելանյութի որոնումների նպատակով Թուրքիայի հետ համագործակցություն կսկեն: Հայտնի է դարձել, որ երկու կազմակերպությունն էլ ծրագրում են համագործակցել Թուրքիայի նավթագազային կորպորացիայի (TPAO) հետ: Նախատեսվում է իրականցնել և նավթի և բնական գազի պաշարների որոնումներ:

Աղբյուրը նշում է, որ Exxon-ը սպասում է մեկ այլ հայտնի նավթարդյունաբերողի՝ Shell-ի կողմից սևծովյան տարածքում իրականացվելիք զոնդավորման գործընթացի ավարտին: Ըստ զոնդավորման արդյունքների` կորոշվեն համագործակցության պայմանները: Թուրքիայի էներգետիկայի և բնական պաշարների նախարարության հայտնած տվյալների համաձայն՝ Shell ընկերությունը զոնդավորում կիրականացնի 6.440 քառակուսի մետր ջրային տարածքում: Նախատեսվում է, որ այդ գործընթացը կտևի նվազագույնը հինգ ամիս, և եթե որոնումների արդյունքում նավթ հայտնաբերվի, ապա իրականացված ծախսերի հիսուն տոկոսը կվճարի TPAO-ն:

Համագործակցության դեպքում խոշոր նավթարդյունաբերողների կողմից ակնկալվող ներդրումների չափը դեռևս հայտնի չէ:

Աղբյուր` Ermenihaber.am