Իսպանական բասկետբոլի թիմը թուրքական իշխանություններից անվտագության երաշխիքներ է պահանջում

Մարզական07:44, 23 Մարտ 2015

Իսպանական բասկետբոլի թիմը թուրքական իշխանություններից անվտագության երաշխիքներ է պահանջում

ՖԻԲԱ-ի ընթացիկ եվրագավաթի խաղարկության շրջանակներում իսպանական «Gran Canaria» բասկետբոլի թիմը մարտի 25-ին պետք է Թուրքիայում պատասխան խաղ անցկացնի թուրքական «Karşıyaka» թիմի հետ: Սակայն «Gran Canaria» ակումբը, Twitter միկրոբլոգի միջոցով սպառնալիք ստանալով «Իսլամական պետություն» կոչվող ահաբեկչական կազմակերպությունից, թուրքական իշխանություններից պահանջել է տրամադրել լիարժեք անվտանգության պահպանման երաշխիքներ 48 ժամվա ընթացքում:

Ակումբի ղեկավարությունը, ընգծելով դրա կարևորությունը, իր հայտարարության մեջ նշել է, որ եթե իրենց պահանջը չբավարարվի, այսինքն եթե Թուրքիան ի զորու չէ լիարժեքորեն ապահովել իրենց անվտանգությունը, ապա ակումբը չի մեկնի Թուրքիա:

Տեղեկացնենք, որ Իսպանիայում կայացած հանդիպման ժամանակ իսպանական թիմը 76-66 հաշվով առավելության էր հասել թուրքականի նկատմամբ:

Աղբյուր` Ermenihaber.am