Sabah. Ռուսաստանը Մինսկի խմբի գործընթացում կարող է կառուցողական դեր ունենալ

Տարածաշրջան13:29, 25 Մարտ 2015

Sabah. Ռուսաստանը Մինսկի խմբի գործընթացում կարող է կառուցողական դեր ունենալ

Թուրք սյունակագիր Իբրահիմ Քալընը թուրքական «Սաբահ» պարբերականում «Պուտինի այցը և ռուս-թուրքական հարաբերություններ» վերնագրով հոդված է հրապարակել, որտեղ անդրադառնում է ռուս-թուրքական հարաբերություններում առկա առանցքային խնդիրներին:

Քալընը իր հոդվածում նշում է, որ Ռուսաստանի նախագահի` 2014թ. դեկտեմբերի 1-ին Թուրքիա կատարած այցը շրջադարձային է ռուս-թուրքական հարաբերությունների համար, քանի որ այցի ընթացքում Պուտինը բոլորի համար անսպասելիորեն հայտարարեց, որ Ռուսաստանը հրաժարվում է «Հարավային հոսք» գազատար նախագծի շինարարությունից և պատրաստվում է իր բնական գազը Թուրքայի միջոցով մատակարարել Եվրոպային:

Հոդվածագիրը նկատել է տալիս, որ թեև այցի շրջանակներում ստորագրվել էին ռուս-թուրքական տնտեսական համագործալցության ընդլայմանը միտված մի շարք պայմանագրեր, այնուամենայնիվ, տարածաշրջանային և աշխարհաքաղաքական որոշ հարցերում Անկարահի ու Կրեմլի դիրքորոշումները չեն համընկել: Պուտինի և Էրդողանի դիրքորոշումները մասնավորապես տարբեր են եղել ուկրաինական և սիրիական ճգնաժամերի հարցում, ինչպես նաև Հարավային Կովկասում առկա հիմնախնդիրներում: Ի տարբերւություն Թուրքիայի`Ռուսաստանը կողմ է Սիրիայի նախագահ Բաշար Ասադի իշխանության պահպանմանը, քանի որ հակառակ դեպքում ոչ միայն Սիրիայում, այլև ամբողջ Մերձավոր Արևելքում քաոսային իրավիճակ կստեղծվի:

Հոդվածի հեղինակն անհեռանկարային է համարել Սիրիայի կառավարության ու ընդդիմության բանակցություններով երկխոսելու մասին արած Ռուսաստանի առաջարկը հետ, քանի որ Ասադի վարչակազմն ամեն անգամ տապալել է նման նախաձեռնությունները:

Հարավկովկասյան տարածաշրջանի վերաբերյալ Իբրահիմ Քալընը նշում է, որ Լեռնային Ղարաբաղի հիմնախնդրի կարգավորումը մեծ կարևորություն ունի: Ըստ նրա` Ղարաբաղի հարցի լուծումը կնպաստի թե Հայաստան-Ադրբեջան և թե Հայաստան–Թուրքիա հարաբերությունների կարգավորմանը: Եվ այդ առումով Ռուսաստանը Մինսկի խմբի գործընթացում կարող է կառուցողական դեր ունենալ:

Աղբյուր` Ermenihaber.am