Ստամբուլում թողարկվել է 100.000 կեղծ անձնագիր ԻՊ-ի գրոհայինների համար

Տարածաշրջան10:57, 09 Ապրիլ 2015

Ստամբուլում թողարկվել է 100.000 կեղծ անձնագիր ԻՊ-ի գրոհայինների համար

Թուրքիայի Ստամբուլ քաղաքում եղել է «Իսլամական պետություն» (ԻՊ) ահաբեկչական կազմակերպության զինյալների համար կեղծ անձնագրեր թողարկող կենտրոն: Ստամբուլում գործել է ԻՊ-ի գրոհայինների հավաքագրման և Սիրիա տեղափոխման գաղտնի համակարգ:

Այս մասին հայտնում է թուրքական «aktifhaber.com» լրատվամիջոցը` հղում անելով թուրքական մեկ այլ «Meydan gazete» պարբերականին: Նշվում է, որ աշխարհի տարբեր երկրներից ԻՊ-ի շարքերը համալրած ահաբեկիչները նախքան Սիրիա և Իրաք մեկնելը, մեկ գիշեր մնացել են Ստամբուլում, հրահանգավորվել, ապա անցել Սիրիա և Իրաք:

Թեմայի շուրջ «aktifhaber.com»-ը զրուցել է ոմն Ա. Գ.-ի հետ, ով նախկինում աշխատել է ԻՊ-ի գրոհայինների տեղափոխմամբ զբաղվող ույղուր գործարար Թ. Նուրալիի հետ: Ա.Գ-ն հայտնել է, որ մինչև օրս թողարկվել է 100.000 թուրքական կեղծ անձնագիր, որոնց գրեթե կեսն ուղարկվել է Չինաստանի Սինցզյան-Ույղուրական ինքնավար շրջան, իսկ մնացած մասը` տարբեր երկրներ: Այդ կեղծ անձնագրերի միջոցով ԻՊ-ին անդամագրվելու նպատակով բազմաթիվ զինյալներ Թուրքիայի տարածքով անցել են Սիրիա և Իրաք:

Աղբյուր` Ermenihaber.am