ERMENI HABER AJANSI

Թուրքիայի նախկին նախագահ  Աբդուլլահ Գյուլը հայտարարել է, որ  առաջին համաշխարհային պատերազմի ժամանակ պետությունը ստիպված էր հայերի ապստամբությունների դեմ որոշ  միջոցառումներ  իրականացել և նրանց այլ վայր տեղափոխելու որոշում կայացնել: Քաթարի լրատվամիջոցներից մեկին տված հարցազրույցում  Գյուլը  նշում է, որ տեղահանության որոշման ընդունման պատճառը հայերի ազգային պատկանելությունը չէր: Որպես ապացույց նա նշել է, որ Ստամբուլում  հայ բնակչության դեմ ոչինչ չի արվել,  նույնիսկ  հայ քաղաքացիները շատ կարևոր պաշտոններ էին զբաղեցնում կառավարությունում, դատարաններում, նրանք դեսպաններ էին և շարունակում էին իրենց պարտականությունները կատարել: Հայկական եկեղեցիներն էլ բաց էին:

Գյուլը ցավ է հայտնել, որ  պատերազմական պայմաններում ընդունված որոշմամբ հարյուր հազարավոր օսմանցի հայեր ստիպված են եղել փոխել իրենց բնակության վայրերը, ինչի պատճառով մեծ տառապանքներ են կրել: Ըստ Գյուլի՝ տառապանքներ են կրել նաև մուսուլման թուրքերը, որոնք  տեղահանվել են Բալկաններից, որտեղ ապրել էին հարյուրավոր տարիներ:

Նախկին նախագահը նշելով, որ Թուրքիայի Հանրապետության հիմնադրումից հետո եկած առաջնորդները չեն ցանկացել անցյալի դառը հիշողությունները փոխանցել սերունդներին, որպեսզի նրանց մեջ թշնամունթյուն չներարկեն, ամբողջ մեղքը գցել է Հայկական սփյուռքի վրա:

«Հատկապես արևմտյան երկրներում ապրող Հայկական սփյուռքը այդ տառապանքը հասցրեց թշնամության և քայլեր արեցին դրանք վրեժխնդրության հասցնելու համար: Այդ ամենը նրանց համար մի տեսակ մոտիվացիա եղավ, դրսում համախմբվելու համար: Մի շարք երկրներում էլ հատկապես արևմտյան, որոնք առանձնապես համակրանք չունեին մահմեդական երկրների հանդեպ այդ դեպքերը սկսել են հիշատակել որպես ցեղասպանություն»,- ասել է Գյուլը:

Նա  նշել է նաև հայերը երբեք չեն համաձայնել պատմական հանձանժողով ստեղծելու շուրջ: «Երբ ես դեռ արտգործնախարար էի, նախաձռնությամբ հանդես եկանք, որ  Հայաստանի և Թուրքիայի միջև  ընդհանուր հանձնաժողվ ստեղծվի, որի մեջ կարող էին նաև ամերիկացիներ և ռուսներ ընդգրկվել: Նրանք այդպես էլ չհամաձայնեցին պատմական հանձնաժողով ստեղծել, որը կազմված կլիներ գիտնականներից»,- հիշեցրել է Գյուլը: