Ստաբուլում մայիսմեկյան երթի մասնակիցների ու ոստիկանների միջև բախումներ են տեղի ունեցել

Տարածաշրջան11:26, 01 Մայիս 2015

Ստաբուլում մայիսմեկյան երթի մասնակիցների ու ոստիկանների միջև բախումներ են տեղի ունեցել

Թուրքիայի Ստամբուլ քաղաքում մայիսմեկյան երթի մասնակիցները ցանկացել են մուտք գործել Թաքսիմ հրապարակ, որը նախօրոք փակված է եղել ոստիկանական պատնեշով: Կոմունիստական կուսակցության մի խումբ անդամներ Թաքսիմ հրապարակի Հանրապետության հուշակոթողին մոտ գտնվող հյուրանոցից աննկատ դուրս են եկել ու արագ մոտեցել հուշակոթողին: Հրապարակում սկսել է խառնաշփոթ ինչն էլ շարունակվել է բախումների տեսքով:Հրապարակ մտած և մտնել ցանկացող խմբերի ու ոստիկանների միջև բախումներ են տեղի ունեցել, ինչի արդյունքում կան բազմաթիվ ձերբակալվածներ:

Բախումները շարունակվել են նաև դեպի Թաքսիմ հրապարակի հարարակից փողոցները` դեպի հրապարակ շարժվող խմբերի ու ոստիկանների միջև:

Թուրքական ozgur-gundem լրատվական կայքի հաղորդմամբ` կան բազմաթիվ ձերբակալվածներ: Իրավական ոլորտում Թուրքիայում գործունեություն ծավալող մի քանի կազմակերպությունների համատեղ հայտարարության մեր նշվել է, որ կեսօրին մոտ ձերբակալվածների թիվը հասնում է մոտ 150-ի, որոնցից 80-ի անունները հայտնի են:

Հաղորդվում է, որ ակցիաները շարունակվում են:

Աղբյուր` Ermenihaber.am