Sozcu. «Թուրքիայում 3.9 մլն մարդ ստրուկի աշխատավարձ է ստանում»

Տնտեսական07:48, 06 Մայիս 2015

Sozcu. «Թուրքիայում 3.9 մլն մարդ ստրուկի աշխատավարձ է ստանում»

Թուրքիայի կենտրոնական բանկը հրապարակել է զեկույց, համաձայն որի, Թուրքիայում վարձատրության դիմաց աշխատողների 35 տոկոսը ստանում է նվազագույն և նվազագույնից ցածր աշխատավաձ: Ընդ որում նշյալ 35 տոկոսից միայն 12 տոկոսն է ստանում նվազագույն աշխատավարձ, իսկ մնացյալ 23 տոկոսը դրանից էլ ավելի ցածր վարձատրության դիմաց է աշխատում:

Թուրքիայում նվազագույն աշխատավարձը կազմում է 949 թուրքական լիրա (167.900 ՀՀ դրամ):

Թուրքական «sozcu.com» լրատվական կայքը, նշելով կենտրոնական բանկի զեկույցում ներկայացված է 2011-2013թթ. տվյալները, հավելում է, որ ըստ Թուրքիայի ազգային վիճակագրական ծառայության` 2013-ին այդ երկրում վարձատրության դիմաց աշխատողների թիվը կազմել է 17 մլն մարդ:

Աղբյուրը հաշվարկել է, որ 17 մլն-ից մոտ 6 մլն-ը (35%), ստանում է նվազագույն և ավելի ցածր աշխատավարձ: Այդ 6 միլիոնի 23 տոկոսը (3 մլն 910 հզ) ստանում է նվազագույն աշխատավարձից ցածր վարձատրություն: Թուրքական կայքի բնորոշմամբ` այդ մարդիկ ստրուկի պես են աշխատում: Ստրկական պայմաններում հայտնված նշյալ մարդիկ կազմում են արդյունաբերության ոլորտի աշխատողների 38.2, շինարարության` 41.3 և գյուղատնտեսության` 72 տոկոսը:

Աղբյուր` Ermenihaber.am