Թուրքիայի պաշտպանության նախարար. «Թուրքիան կարող է անցնել պայմանագրային զինծառայության»

Տարածաշրջան09:50, 09 Մայիս 2015

Թուրքիայի պաշտպանության նախարար. «Թուրքիան կարող է անցնել պայմանագրային զինծառայության»

Թուրքիայի պաշտպանության նախարար Իսմեթ Յըլմազը հայտարարություն է արել Թուրքիայում պայմանագրային և վճարովի զինծառայության մասին: Ըստ թուրքական «haberaktual.com» լրատվակայքի` Յըլմազը նշել է, որ 4 տարվա ընթացքուm Թուրքիայում երկու անգամ օրենք է ընդունվել վճարովի զինծառայության մասին, նաև կրճատվել է պարտադիր զինվորական ծառայության ժամկետը:

Ըստ աղբյուրի՝ թուրք նախարարը նաև հայտնել է, որ Գերմանիան արդեն հրաժարվել է պարտադիր զինծառայությունից և անցել պայմանագրայինի: Գերմանիայի ներքին գործերի նախարարը Իսմեթ Յըլմազի հետ զրույցում ասել է. «Բնակչության աճը դանդաղել է, երիտասարդ բնակչություն չկա: Բանակ ենք զորակոչում, ոչ ոք չի գալիս: Եթե բավարար չափով երիտասարդներ չգտնեք, դուք էլ ստիպված կանցնեք պայմանագրային զինծառայության»:

Յըլմազը նշել է, որ թեև իրենք դա չեն ցանկանում, բայց եթե բնակչության աճը անհրաժեշտ մակարդակի վրա չլինի և ասենք անհրաժեշտ 400.000 զինվորի պահանջարկի դեպքում միայն 100.000 պարտադիր զինծառայող կարողանան հավաքել, ապա իսկապես հարկ կլինի անցնել պայմանագրային կամ ընդհանրապես պրոֆեսիոնալ զինվորական համակարգին:

Աղբյուր` Ermenihaber.am