Քաղաքական10:38, 14 Մայիս 2015
Օքթայի պատասխանը Դավութօղլուին. «Այդ ժամանակ MHP կուսակցություն գոյություն չուներ, այ անգրագետ»
Թուրքիայի վարչապետ Ահմեթ Դավութօղլուն մեղադրել է Թուրքիայի ընդդիմադիր «Ժողովրդահանրապետական» (ԺՀԿ – CHP) և «Ազգայնական շարժում» (ԱՇԿ- MHP) կուսակցություններին ռազմական հեղաշրջումներին իրականում դեմ չլինելու համար:
«Ո՞ւր էին ԺՀԿ –ն ու ԱՇԿ-ն, երբ կախաղան էին հանում Ադնան Մենդերեսին»,- հարց է բարձրացրել Դավութօղլուն` նախընտրական քարոզարշավի շրջանակներում ելույթ ունենալով Քյութահիայում, որտեղից ժամանակին ձերբակալել էին Թուրքիայի նախկին վարչապետ Ադնան Մենդերեսին:
Թուրքական ընդդիմադիր «Zaman» պարբերականի տեղեկացմամբ` Դավութօղլուն մասնավորապես նշել է. «1960 թ մայիսի 27-ի հեղաշրջումից առաջ ժողովրդավարության խորհրդանիշ հանդիսացող Ադնան Մենդերեսն այստեղ ձերբակալվեց և տարվեց կախաղան: Յասսըադայում՝ այն վայրում, որտեղ նրան դատել են, ի հիշատակ ենդերեսի և մեր մյուս բոլոր նահատակների, հսկայական կոնգրես կենտրոն ենք կառուցելու »:
«Hürriyet»-ում հրապարակված լուրի համաձայն՝ ԱՇԿ-ի խորհրդարանական խմբակցության փոխնախագահ Օքթայ Վուրալը, պատասխանելով Դավութօղլուի այս հայտարարությանը, ասել է. «Այդ ժամանակ ԱՇԿ կուսակցություն գոյություն չուներ, այ անգրագետ: Գիտեինք, որ նա տեղյակ չէ, թե վարչապետ է, դեռ կարծում է, որ դպրոցական երեկույթի է մասնակցում: Տեսնես՝ երբ 1960թ. մարդիկ մահապատժի էին ենթարկվում, նա որտե՞ղ էր, մահճակալի տա՞կ էր թաքնված: Երբ մենք սեպտեմբերի 12-ին տանջանքների էինք ենթարկվում, Դավութօղլուն ի՞նչ էր անում, քեբա՞բ էր ուտում»:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |