Թուրքիայում քրդամետ կուսակցության դեմ ևս մեկ հարձակում է տեղի ունեցել

Տարածաշրջան10:31, 20 Մայիս 2015

Թուրքիայում քրդամետ կուսակցության դեմ ևս մեկ հարձակում է տեղի ունեցել

Նախընտրական շրջանում Թուրքիայի քրդամետ «Ժողովուրդների դեմոկրատական» կուսակցությունը (ԺԴԿ-HDP) շուրջ եռացող կրքերը չեն հանդարտվում: Օրեր առաջ կուսակցության գրասենյակների վրա հարձումներից հետո, նախօրեին ևս մեկ հարձակում է գրանցվել ԺԴԿ-ականների վրա:

Ըստ թուրքական «Taraf» թերթի` նախընտրական քարոզարշավի շրջանակներում Ստամբուլի դահլիճներից մեկում տեղի ունեցող ժողովից առաջ մի խումբ անհայտ երիտասարդներ քարերով հարձակվել են դահլիճի դիմաց հավաքված կուսակցության ներկայացուցիչների վրա: «ԺԴԿ»-ական երիտասարդները դիմադրել են, ինչի արդյունքում հարձակվողները հեռացել են:

Նույն խումբը երկրորդ անգամ է հարձակվել արդեն ժողովի ժամանակ: Այս անգամ ոստիկաններն են միջամտել և հարձակումը դադարեցնելու նպատակով գազային ռումբեր են նետել դահլիճի ուղղությամբ, ինչից ավելի շատ տուժել են կուսակցության անդամները:

Ինչպես ավելի վաղ հաղորդել էր «Ermenihaber.am»-ը Թուրքիայի «Ժողովուրդների դեմոկրատական» կուսակցության Մերսին և Ադանա քաղաքների գրասենյակների մոտ կազմակերպված պայթյունների հետևանքով վիրավորվել էր 6 ԺԴԿ-ական:

Աղբյուր` Ermenihaber.am