Թուրքիա մեկնողների թիվը նվազել է

Տնտեսական12:33, 27 Մայիս 2015

Թուրքիա մեկնողների թիվը նվազել է

Թուրքիայի ոստիկանության և վիճվարչության տվյալներով` այդ երկիր այցելող օտարերկրացիների թիվը զգալիորեն նվազել է: Թուրքական «timeturk» լրատվամիջոցը, հղում անելով վերոնշյալ կառույցների տրամադրած տեղեկությանը, նշում է, որ 2015թ. ապրիլին Թուրքիա այցելողների թիվը, 2014-ի նույն ամսվա համեմեմատ նվազել է 8.10 տոկոսով` կազմելով 2մլն 437.263 , որից 114.667-ը առանց գիշերելու անմիջապես Թուրքիայից մեկնել են այլ երկրներ:

Իսկ ահա 2015թ հունվարից ապրիլ ընկած ժամանակահատվածում Թուրքիա այցելողների թիվը նախորդ տարվա նույն ժամանակատվածի համեմատ նվազել է`0.51 տոկոսով, կազմելով 6մլն 967.487 մարդ, որից 166.100-ը Թուրքիայից առանց գիշերելու այլ երկրներ են մեկնել:

Ըստ նույն տեղեկատվության`2015թ. ապրիլին Թուրքիա այցելել են ամենաշատը Գերմանիայից` 381.346 (15.65 %), Բուլղարիայից` 156.048 (6.40 %), Ռուսաստանից` 149.879 (6.15 %): Իսկ 2015թ. հունվարից ապրիլ ընկած ժամանակատավածում Թուրքիա ամենաշատն այցելել են կրկին Գերմանիայից` 929.429 (13.34 %), Իրանից` 527.826 (7.58 %) և Վրաստանից`472.742 (6.78 %):

Աղբյուր` Ermenihaber.am