Ծրագրվում է Ստամբուլում նավթի որոնման աշխատանքներ սկսել

Տարածաշրջան08:47, 27 Մայիս 2015

Ծրագրվում է Ստամբուլում նավթի որոնման աշխատանքներ սկսել

Ստամբուլում նախատեսվում է նավթի որոնման աշխատանքներ իրականացնել: Ինչպես հայտնում է թուրքական «borsamatik» լրատվականը, թուրքական նավթային ընկերությունները, որոնք ապահովում են երկրի անմշակ նավթի 71 տոկոսը, նավթի որոնման աշխատանքները սևծովյան տարածաշրջանում կազմակերպելուց բացի, նավթահորեր կփորձեն գտնել նաև Ստամբուլի շրջանում:

Նման աշխատանքների իրականացման համար արդեն ստացվել է համապատասխան թույլտվությունը Թուրքիայի էներգետիկայի և բնական պաշարների նախարարությունից:

Օսմանյան արխիվից գտնվել է 01.04. 1915-ով թվագրված մի փաստաթուղթ, համաձայն որի,Ստամբուլի պատմական Մոլա Աշքը ավանում ժամանակին նավթի պաշարներ են հայտնաբերվել, սակայն մի շարք պատճառներով նավթի արդյունահանումը չի շարունակվել:

Թուրքիայի էներգետիկայի և բնական պաշարների նախարարության տրամադրած տեղեկության համաձայն` 1934-ից մինչև այսօր Թուրքիայում 144.3 մլն տոննա անմշակ նավթ է վերամշակվել: Որոնողական աշխատանքների շրջանակներում 1934-ից մինչև այսօր 4.566 նավթային հանքահոր է բացվել, որոնց 7 տոկոսն անատոլիական տարածաշրջանում է, 22 տոկոսը` Թրակիայում, իսկ մնացած 8 տոկոսը` երկրի այլ շրջաններում:

Աղբյուր` Ermenihaber.am