Վանում Հայկական հարցին նվիրված 2-օրյա գիտաժողով է հրավիրվել

Տարածաշրջան08:16, 29 Մայիս 2015

Վանում Հայկական հարցին նվիրված 2-օրյա գիտաժողով է հրավիրվել

Թուրքիայի Վանի «100-րդ համալսարան»-ում մեկնարկել է «Հայկական հարցը և իրականությունը 100-րդ տարելիցին» խորագրով գիտաժողովը: Ինչպես հայտնում է թուրքական «dogruhaber» լրատվամիջոցը, գիտաժողովին մասնակցել է Վանի «100-րդ համալսարան»-ի ռեկտոր Փեյամի Բաթթալը, Թուրքական պատմագիտական ընկերության նախագահ Ռեֆիկ Թուրանը, ինչպես նաև մի շարք թուրք ակադեմիկոսներ:

Գիտաժողովի բացման արարողությանը Ռեֆիկ Թուրանը հանդես է եկել ելույթով, որտեղ նշել է, որ Հայկական հարցում 1915-ը ոչ թե սկզիբ է, այլ` հետևանք: Անդրադառնալով հայ և թուրք ժողովուրդների փոխհարաբերություններին` նշել է, որ երկու ժողովուրդների միջև բազմաթիվ միախառնումներ են տեղի ունեցել: Նրա խոսքերով հայերը Օսմանյան կայսրությունում միշտ բարձ պաշտոններ են զբաղեցրել, ընդհուպ մինչև պետական համակարգում պաշտոնների: Նա պնդել է, որ հայերը Հնչակյան և ՀՅԴ-ի կուսակցությունների գլխավորությամբ հակապետական շարժում էին սկսել Օսմանյան կայսրության դեմ:

Շարունակելով պատմությունը աղավաղել` Փեյամը հավելել է, որ 1915թ. Վանում հայերը մի շարք լուրջ խնդիրներ առաջացրեցին:

«Եթե հայերի ձեռքին ինչ-որ բան կա, ապա թող գան մեզ ներկայացնեն: Դեմ առ դեմ նստելով` խոսենք: Հարցը դիտարկենք գիտության և պատմության տեսանկյունից»:

Գիտաժողովը տևելու 2 օր:

Աղբյուր` Ermenihaber.am