Անկարայի քաղաքապետի ուշագրավ հայտարարությունը հայերի մասին

Քաղաքական08:48, 30 Մայիս 2015

Անկարայի քաղաքապետի ուշագրավ հայտարարությունը հայերի մասին

Անկարայի քաղաքապետ Մելիհ Գյոքչեքը հայերի կապակցությամբ ուշագրավ հայտարարությամբ է հանդես եկել: Չնշելով իր ունեցած տվյալների աղբյուրը` քաղաքապետը հայտարարել է, թե քրդամետ «Ժողովուրդների դեմոկրատական կուսակցության» (ԺԴԿ-HDP) հանրահավաքին մասնակցելու համար Եվրոպայից ու Հայաստանից Ստամբուլ է եկել 150-200 հայ:

Ինչպես նշում է թուրքական « samsunhaber» լրատվամիջոցը, Գյոքչեքը, քրդերին կոչ անելով չմասնակցել ԺԴԿ-ի` այսօր կայանալիք հանրավաքին, նշել է.

«Հայերն այդ հանրահավաքին ի՞նչ գործ ունեն, որովհետև նրանք դա դիտում են որպես Հայաստանի ազատագրության հանրահավաք: Մեզ դիտող իմ քուրդ եղբայրներ, մի գնացեք, մի մասնակցեք այդ հանրավաքին, որովհետև դա քրդերի հանրավաք չէ: Բոլոր իմ քուրդ եղբայրները թող սա իմանան. դա հայերի հանրահավաքն է, թեև մինչև վերջ քուրդ բառն են օգտագործելու»:

Նշենք, որ հունիսի 7-ին Թուրքիայում տեղի են ունենալու խորհրդարանական ընտրություններ, որոնց մասնակցում է նաև վերոնշյալ քրդամետ ընդդիմադիր քաղաքական կուսակցությունը:

Աղբյուր` Ermenihaber.am