Թուրք վերլուծաբանը կանխատեսում է, թե որ կուսակցությունը քանի տեղ կզբաղեցնի խորհրդարանում

Տարածաշրջան10:19, 06 Հունիս 2015

Թուրք վերլուծաբանը կանխատեսում է, թե որ կուսակցությունը քանի տեղ կզբաղեցնի խորհրդարանում

Հանրային կարծիքի հետազոտությամբ զբաղվող թուրքական KONDA ընկերության տնօրեն Բեքիր Աղըրդըրը կանխատեսումներ է արել հունիս 7-ին կայանալիք խորհրդարանական ընտրությունների արդյուքնների վերաբերյալ:

Թուրքական «Cumhuriyet» պարբերականը տեղեկացնում է, որ ըստ Աղըրդըրի՝ առաջիկա խորհրդարանական ընտրություններին մասնակից քաղաքական կուսակցությունները մոտավորապես հետևյալ արդյունքները կարձանագրեն.

Իշխող «Արդարություն և զարգացում կուսակցությունը» (ԱԶԿ-AKP) խորհրդարանում կունենա 270- 278 պատգամավոր,

«Ժողովրդահանրապետական կուակցությունը» (ԺՀԿ-CHP)՝ 100-120 պատգամավոր,

«Ժողովուրդների դեմոկրատական կուսակցությունը» (ԺԴԿ-HDP)՝ 60-70 պատգամավոր,

«Ազգայնական շարժում կուսակցությունը» (ԱՇԿ-MHP)՝ 75-90 պատգամավոր:

Ինչպես հայտնի է, 550 պատգամավորական աթոե ունեցող Թուրքիայի Ազգային Մեծ Ժողովում (ԹԱՄԺ- TBMM) մեծամասնություն կազմելու համար անհրաժեշտ է խորհրդարանում ոչ պակաս, քան 276 պատգամավոր:

Ըստ Աղըրդըրի՝ ակնկալվում է շուրջ 47 միլիոն ընտրողի մասնակցություն ընտրություններին, որոնցից շուրջ մեկ միլիոնը՝ արտերկրից: Եվ այդ մեկ միլիոն ձայնը որոշիչ նշանակություն կունենա ընտրությունների արդյունքների համար:

Աղբյուր` Ermenihaber.am