Թուրք ընտրողները գահընկեց արեցին Էրդողանին ու նրա կուսակցությանը. New York Times

Քաղաքական07:28, 08 Հունիս 2015

Թուրք ընտրողները գահընկեց արեցին Էրդողանին ու նրա կուսակցությանը. New York Times

Ամերիկյան «The New York Times» հեղինակավոր պարբերականը, ամփոփելով Թուրքիայում հունիսի 7-ին կայացած խորհրդարանական ընտրությունների արդյունքները, ընդգծել է, որ «թուրք ընտրողները Էրդողանի կուսակցությունը գահընկեց են արել»:

Թուրքական «Haberler» լրատվակայքի համաձայն՝ «Թուրքիայի իշխող կուսակցությունը խորհրդարանում կորցրեց մեծամասնությունը» հոդվածում թերթը գրում է.

«Բազմաթիվ թուրք քաղաքացիներ, չնայած կոալիցիոն իշխանության ձևավորմանը, երջանիկ են, որ Էրդողանի իշխանությունը սահմանափակվել է: Թուրք ընտորղները, սահմանափակելով սահմանադրությունը վերաշարադրել և ամերկյան ոճի նախագահական համակարգ ներդնել ցանկացող նախագահ Ռեջեթ Թայիփ Էրդողանի կուսակցության իշխանությունը, մի լավ դաս տվեցին նրան»:

«The New York Times»-ը Թուրքիայի խորհրդարանական ընտրությունները բնութագրել է որպես պատմական իրադարձություն՝ ավելացնելով. «Ընտրությունների արդյունքները մեծ հարված հասցրեցին տարեցտարի ավելի հզորացող իսլամիստ պարոն Էրդողանին: Ընտրությունների արդյունքում մեծ հաղթանակ գրանցեցին քրդերը, լիբերալներն ու աշխարհիկ թուրքերը՝ ընդդեմ Էրդողանի, որը երկու տարի առաջ այնպես ուժով ճնշել էր հակակառավարական ցույցերը»:

Աղբյուր` Ermenihaber.am