ERMENI HABER AJANSI

Երեկ Թուրքիայում տեղի ունեցած խորհրդարանական ընտրություններն առանձնանում են խորհրդարան անցած պատգամավորների ազգային բազմազանությամբ: Թուրքերից ու քրդերից բացի առաջին անգամ Թուրքիայի մեջլիսում կլինի 1 ազգությամբ գնչու և 54 տարվա ընդմիջումից հետո 3 հայ, ինչպես նաև ասորի պատգամավորներ:

Խորհրդարանը ներկայիս կազմը ձևավորվել է ընտրապայքարին մասնակցած 4 քաղաքական կուսակցությունների թեկնածուներից: Դրանք են` իշխանական «Արդարություն և զարգացում» կուսակցությունը (AKP-ԱԶԿ), գլխավոր  ընդիմադիր «Ժողովրդահանրապետական կուսակցությունը» (CHP-ԺՀԿ), ընդիմադիր «Ազգայնական շարժում» կուսակցությունը (MHP-ԱՇԿ), ընդդիմադիր քրդամետ «Ժողովուրդների դեմոկրատական» կուսակցությունը (HDP-ԺԴԿ):

Թուրքական «Radikal» թերթի կայքում հրապարակված հոդվածում նշվում է, որ նախնական արդյունքների համաձայն` խորհրդարան անցած «ԺՀԿ»-ի ներկայացուցիչ Օզջան Փուրչուն կդառնա հանրապետական Թուրքիայի պատմության մեջ առաջին գնչու պատգամավորը:

Խորհրդարան անցած 4 կուսակցություններից 3-ը` ԱԶԿ-ն, ԺՀԿ-ն և ԺԴԿ-ն առաջադրել էին ազգությամբ հայ թեկնածուներ: Նախնական տվյալներով` խորհրդարան անցած հայազգի պատգամավորներն են` Գարո Փայլանը (ԺԴԿ), Մարգար Եսայանը (ԱԶԿ) և Սելինե Դողանը (ԺՀԿ):

Ազգությամբ ասորի պատգամավոր Էրոլ Դորան էլ ներկայացնում է ԺԴԿ-ն:

Ընտրության արդյուքների համաձայն` իշխող ԱԶԿ-ն չի կարողացել ստանալ բացարձակ մեծամասնություն խորհրդարանում և հնարավորություն չի ունենա ձևավորել միանձնյա կառավարություն: Անհրաժեշտ 276 պատգամավորական տեղի փոխարեն 258-ը ստացած ԱԶԿ-ին կառավարություն ձևավորելու համար անհրաժեշտ կլինի կոալիցա կազմել խորհրդարան անցած կուսակցություններից մեկի կամ մի քանիսի հետ:

Ընտրությունների արդյունքները` ըստ թուրքակայն ընդդիմադիր «Cihan» լրատվական գործակալության (98.72% բացված քվեատուփեր)

ԱԶԿ - 40.86 %
ԺՀԿ - 25.16 %
ԱՇԿ - 16.5 % 
ԺԴԿ - 12.99 %
«Saadet» կուսակցություն - 2.07 %

Ընտրությունների արդյունքները` ըստ թուրքական պետական «Anadolu» լրատվական գործակալության` (100% բացված քվեատուփեր)

ԱԶԿ - 40.86 % (257 պատգամավոր)
ԺՀԿ - 24.96 %  (133 պատգամավոր)
ԱՇԿ - 16.29 % (82 պատգամավոր)
ԺԴԿ - 13.12 % (79 պատգամավոր)
«Saadet» կուսակցություն - 2.06