Թուրքիայի փոխվարչապետ. «Վարչապետը կձևավորի բոլորին գոհացնող կոալիցիոն կառավարություն»

Տարածաշրջան11:01, 08 Հունիս 2015

Թուրքիայի փոխվարչապետ. «Վարչապետը կձևավորի բոլորին գոհացնող կոալիցիոն կառավարություն»

Թուրքիայի փոխվարչապետ Նուման Քուրթուլուշը հայատարարել է, որ հավանական չէ արտահերթ ընտրությունների անցկացումը և ակնարկել է կոալիցիոն կառավարության ձևավորման մասին:

Քուրթուլուշը, ով ընտրությունների արդյունքները քննարկելու համար իշխող «Արդարություն և զարգացում» (AKP-ԱԶԿ) կուսակցության մյուս բարձրաստիճան ներկայացուցիչների հետ միասին գնալիս է եղել ԱԶԿ-ի կենտրոնական գրասենյակ, շենք մուտքի մոտ լրագրողներին ասել է հետևյալը.

«Այս պայմաններում կոալիցիոն կառավարություն կձևավորվի: Վարչապետը կձևավորի բոլորին գոհացնող կառավարություն: Թուրքիան ավարտել է ժողովրդավարացման բարեփոխման գործընթացը: Այժմ նոր սահմանադրության կարիք կա»:

ԱԶԿ-ի կենտրոնական գրասենյակի շենքի մոտ լրագրողների հետ կարճ զրույց է ունեցել նաև Թուրքիայի մյուս փոխվարչապետ Յալչըն Աքդողանը:

Աքդողանը ընտրողներին շնորհակալություն է հայտնել ԱԶԿ-ին ամենաշատ քվեները տալու համար և ուշագրավ հայտարարություն արել ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) վերաբերյալ. «Այսուհետև ԺԴԿ-ն հաշտեցման գործընթացի (թուրք-քրդական) մասին միայն ֆիլմ կարող է նկարահանել: Այսինքն մեղր-մեղր ասելով բերանը չի քաղցրանում, ինչպես նաև միայն խաղաղություն ասելով ոչին չի լինում: Քանի որ 13 տոկոս ձայն են ստացել, ուրեմն թող Քանդիլին կոչ անեն, PKK-ին (Քուրդիստանի բանվորական կուսակցությանը) ստիպեն վայր դնել զենքերը:

Թուրքիայի Էներգետիկայի և բնական պաշարների նախարար Թաներ Յըլդըզն էլ, նկատի ունենալով այս ընտրություններին ԱԶԿ-ի քվեների նվազումը, ասել է, որ մնացած բոլոր կուսակցությունների նման իրենք ևս ընտրությունների միջոցով ստացել են ժողովրդի ուղերձները և դրանք հաշվի են առնելու:

Աղբյուր` Ermenihaber.am