Արագ զարգացող 15 տնտեսությունների մեջ Թուրքիան իր ցուցանիշով 14-րդն է

Տնտեսական10:48, 11 Հունիս 2015

Արագ զարգացող 15 տնտեսությունների մեջ Թուրքիան իր ցուցանիշով 14-րդն է

Եվրոպայի վիճակագրական գրասենյակը հրապարակել է աշխարհում ամենաարագ զարգացող տնտեսություններն ունեցող երկրների ցանկը: 2015 թվականի առաջին եռամսյակի տվյակները ամփոփող վիճակագրության համաձայն` 7.5% տնտեսական աճով աշխարհում ամենաարագ զարգացող երկրների ցուցակը գլխավորում է Հնդկաստանը: Հնդկաստանին հաջորդում են Չինաստանը (7%), Մալազիան (5.6%) և Ֆիլիպինները (5.3%):

Ցանկը շարունակում են արդեն 5% տոկոսից ցածր տնտեսական աճ ունեցող երկրները: Դրանք են` Ինդոնեզիան (4.7%), Չեխան (4.2%), Ռումինիան (4.2%), Լեհաստանը (3.7%), Հունգարիան (3.5%), Թայվանը (3.4%), ԱՄՆ-ը (2.7%), Սինգապուրը (2.6%), Մեքսիկան (2.5%), Հարավային Կորեան (2.4%):

Թուրքիան 2.3% տնտեսական աճով զբաղեցնում է 14-րդ հորիզոնականը, որին էլ 15-րդ հորիզոնականում հաջորդում է Հարավաֆրիկյան Հանրապետությունը (2.1%):

Հրապարակվել է նաև 2015-ի առաջին եռամսյակում Եվրամիության (ԵՄ) երկրների տնտեսական աճի միջինացված ցուցանիշը, որն էլ կազմում է 1.5%:

Աղբյուր` Ermenihaber.am