Թուրքիայից էլեկտրաէներգիա է մատակարավում «ԻՊ»-ի ահաբեկիչներին

Տարածաշրջան08:48, 12 Հունիս 2015

Թուրքիայից էլեկտրաէներգիա է մատակարավում «ԻՊ»-ի ահաբեկիչներին

Թուրքիայի Շանլըուրֆա (պատմ. Եդեսիա) նահանգում գտնվող Աքչաքալե շրջանի էլեկտրակայանից, որը տեղակայված է թուրք-սիրական սահմանին, էլեկտրաէներգիա է մատակարարվում «Իսլամական պետություն» (ԻՊ) ահաբեկչական կազմակերպության վերահսկության տակ գտնվող սիրիական Թել Աբյադ քաղաքին:

Թուրքական «t24» լրատվամիջոցը` նշում է, որ նման պնդումը առաջ է քաշել թուրքական «Birgün» լրատվականի թղթակից Էրք Աջարերը: Վերջինիս վկայակոչել է էլեկտրակայանի աշխակիցներից մեկին, ով այդ մասին մասնավորապես ասել է. «Աքչաքալեում օրվա ընթացքում 3-4 անգամ հովհարային անջատումներ են լինում, սակայն Թել Աբյադին շուրջօրյա էնլեկտրաէներգիա ենք մատակարարում»:

Աջարերը խոստովանում է, որ թուրքական իշխանությունները չեն գիտակցում, թե ում են ապահովում էլեկտրաէներգիայով: Չէ՞ որ Սիրիայի այն տարածքներում, որտեղ Թուրքիան մատակարարում է էլեկտրաէներգիա, ԻՊ-ը մարդկանց է կոտորում և վայրագություններ անում:

«Ողբերգական և վերջնական եզրահանգումն այն է, որ «ԻՊ»-ին մատակարարվող էլեկտրաէներգիան մեր գրպանից է գնում»,- նշել է «Birgün»-ի թղթակիցը:

Աղբյուր` Ermenihaber.am