Իզմիթում բնակվող ալևիների տների պատերին գիշերը կարմիր ներկով նշաններ են արվել

Տարածաշրջան08:03, 15 Հունիս 2015

Իզմիթում բնակվող ալևիների տների պատերին գիշերը կարմիր ներկով նշաններ են արվել

Իզմիթի Թավշանթեփե թաղամասում, որտեղ շատ ալևիներ են ապրում, որոշ տների պատերի և դռների վրա անհայտ անձի կամ անձանց կողմից գիշերը կարմիր ներկով X-աձև նշաններ են արվել:

Թուրքական «Haberler» լրատվական կայքի հաղորդմամբ` նախ գիշերվա ժամը 3-ի սահմաններում այրվել է նշյալ թաղամասի Դողուշ փողոցի սրճարանը, ապա նույն փողոցում գտնվող և ալևիներին պատկանող 16 տների վրա կարմիր ներկերով նշաններ են արվել:

Առավոտյան ժամերին նշանները նկատած բնակիչների շրջանում խիստ անհանգստություն է առաջացել: Վերջիններս դիմել են ոստիկանություն:

Թաղամասում բնակվող Անատոլիա մշակութային հիմնադրամի Քոջաելիի մասնաճյուղի նախագահ Ալի Էքբեր Ինջեսուն, նշելով, որ իր տան վրա նույնպես նշան է արվել, տեղեկացրել է, որ ոստիկանները աշխատանքներ են սկսել նշաններն անողներին բացահայտելու ուղղությամբ:

Վերջինիս խեսքով, տարիներ ի վեր այդ թաղամասում միասին են ապրել թուրք հասարակության հետ, և նման բան երբևէ չէր պատահել: