Էրդողանը շանտաժի միջոցով փորձում է խորհրդարանում մեծամասնություն ապահովել

Քաղաքական13:40, 15 Հունիս 2015

Էրդողանը շանտաժի միջոցով փորձում է խորհրդարանում մեծամասնություն ապահովել

Թուրքիայի նախագահ Ռեջեփ Թայիփ Էրդողանը դեռ չի հրաժարվել իր հիմնադրած «Արդարություն և զարգացում» (ԱԶԿ -AKP) կուսակցության հետ միայնակ կառավարություն կազմելու հեռանկարից և այդ ուղղությամբ համապատասխան աշխատանքներ է տանում:

Այս մասին գրում է թուրքական «Sözcü» պարբերականի թղթակից Ալի Էքբեր Էրթյուրքը, ըստ որի, Էրդողանը հրահանգել է աչքի անցկացնել ընդդիմադիր կուսակցությունների պատգամավորների անձնական գործերը՝ գտնելու համար այն պատգամավորներին, որոնք անհրաժեշտ են ԱԶԿ-ին՝ խորհրդարանում մեծամասնություն կազմելու համար:

Առաջ է քաշվել այն վարկածը, թե Էրդողանը փորձում է սպառնալիքների և շանտաժի միջոցով ԱԶԿ տեղափոխել որոշ պատգամավորների, որոնց շնորհիվ հնարավորություն կստանա միայնակ կառավարություն ստեղծել:

Հիշեցնենք, որ հունիսի 7-ին Թուրքիայում կայացած խորհրդարանական ընտրություներում ԱԶԿ-ն 258 պատգամավորական մանդատ էր ստացել: Նրան անհրաժեշտ է ևս 18 պատգամավոր ընդգրկել իր շարքերը՝ խորհրդարանում մեծամասնություն կազմելու և ինքնուրույն կառավարություն ձևավորելու համար:

Աղբյուր` Ermenihaber.am