Սիրիայի ընդդիմադիր ուժերն օգտագործում են թուրքական արտադրության փամփուշտներ (տեսանյութ)

Տարածաշրջան06:32, 16 Հունիս 2015

Սիրիայի ընդդիմադիր ուժերն օգտագործում են թուրքական արտադրության փամփուշտներ (տեսանյութ)

Սիրիայի նախագահ Բաշար Ասադի վարչակազմի դեմ պատերազմող ընդդիմադիր ծայրահեղականներն օգտագործում են թուրքական արտադրության փամփուշտներ:

Թուրքական «Cumhuriyet» պարբերականը, հրապարակել է տեսանյութ, որտեղ երևում է, թե ինչպես են ծայրահեղականները ինչպես են կառավարության զորքերի վրա կրակ բացում Թուրքիայի «Քիմիական և մեքենաշինական արդյուանբերության ընկերության» (MKEK) արտադրության փամփուշտներով: Տեսանյութում նկատվում է փամփուշտների տուփը, որի վրա թուրքերենով մակնշված է «100 adet, 12.7 mm» (100 հատ 12.7մմ):

Հիշեցնենք նաև, որ ոչ վաղ անցյալում նույն «Cumhuriyet» պարբերականի գլխավոր խմբագիր Ջան Դյունդարը հրապարակել էր ևս մի տեսանյութ, որտեղ երևում էր, թե ինչպես են Թուրքիայի Ազգային հետախուզական կազմակերպության (MIT-ՄԻԹ) բեռնատարները զինամթերք տեղափոխում Սիրիա: Այդ տեսանյութի հրապարակման համար Դյունդարն արժանացել էր Թուրքիայի նախագահ Ռեջեփ Թայիփ Էրդողանի խիստ քննադատությանը: Վերջինս անգամ խոստացել էր քրեական գործ հարուցել նրա դեմ: