Ռուսաստան ամենաշատ զբոսաշրջիկ ուղարկող երկրորդ երկիրը Թուրքիան է

Տնտեսական10:18, 17 Հունիս 2015

Ռուսաստան ամենաշատ զբոսաշրջիկ ուղարկող երկրորդ երկիրը Թուրքիան է

Ռուսաստան այցելող զբոսաշրջիկների թվով Թուրքիայի քաղաքացի զբոսաշրջիկները երկրորդ տեղն են զբաղեցնում` զիջելով Չինաստանի քաղաքացիներին: Թուրքական «Turizmdebusabah» լրատվական կայքը, հղում անելով Ռուսաստանի դաշնային տուրիստական գործակալության (Rosturizm) նախագահ Օլեգ Սաֆոնովի արած հայտարարությանը, նշում է, որ թեև Ուկրաինայի ճգնաժամի պատճառով Եվրոպան և ԱՄՆ-ն պատժամիջոցներ են կիրառում Ռուսաստանի դեմ, այնուամենայնիվ, 2015թ. առաջին քառորդի ընթացքում Ռուսաստան այցելած զբոսաշրջիկների թիվն աճել է շուրջ 16%-ով:

Ըստ Rosturizm-ի տվյալների` 2015թ. Ռուսաստան մեկնած զբոսաշրջիկների քանակով առաջին տեղը զբաղեցնում է Չինաստանը (40.7000), իսկ երկրորդ տեղը` Թուրքիան (29.700):

Եթե 2014-ին Ռուսաստան այցելել էր շուրջ 6 մլն 33 հազար զբոսաշրջիկ, ապա 2015թ առաջին չորս ամսում Ռուսաստան այցելած զբոսաշրջիկների թիվն արդեն հասել է 7մլն 35 հազարի:

Իսկ ահա իսրայելցի և գերմանացի զբոսաշրջիկների թիվը 18 հազար կազմել: Նշվում է նաև, որ Թայլանդից, Բրազիլիայից, Իսպանիայից, Դանիայից, Ֆինլանդիայից Ռուսաստան այցելած զբոսաշրջիկների թիվը նույնպես ավելացել է:

Աղբյուր` Ermenihaber.am