Սիրիայից Թուրքիա գաղթած թուրքմենները կուսակցություն են ստեղծել

Տարածաշրջան07:48, 23 Հունիս 2015

Սիրիայից Թուրքիա գաղթած թուրքմենները կուսակցություն են ստեղծել

Սիրիայում ծավալվող քաղաքացիական պատերազմի պատճառով Թուրքիա գաղթած Սիրիայի թուրքմենները Թուրքիայում հիմնել են «Սիրիայի թուրքմենների զարգացման կուսակցություն»: Ինչպես տեղեկացնում է «CnnTurk» լրատվական ծառայությունը, նորաստեղծ կուսակցության նախագահ Օմեր Իսանը և կուսակցության խոսնակ Հասան Մուսուլուն Օսմանիյե քաղաքում գտնվող կուսակցության շենքի մոտ հանդիպում են ունեցել լրագրողների հետ:

Նրանք ընգծել են, որ չնայած, թուրքմենեների քանակը Սիրիայում հասնում է 3.5 միլիոնի, այնուամենայնիվ, իրենց թույլ չեն տվել ստեղծել կուսակցություն Սիրիայի տարածքում:

«Մեր կուսակցությունը ստեղծվեց Օսմանիյեյում: Մենք մոտավորապես 50 տարի դաժանության մեջ ենք ապրել, դառը տառապանքներ տեսել: Թուրքիայում ցանկացանք կուսակցություն ստեղծել և այդ հարցում թուրքական պետությունը մեզ օգնեց»,- նշել է Իսանը: Վերջինս տեղեկացրել է, որ իրենց կուսակցությունը գրասենյակներ ունի Իսքենդերում, Գազիայնթեփում (պատմ. Այնթափ), Հաթայում, Քիլիսում և Ստամբուլում:

Իսանը նաև հայտնել է, որ երբ ավարտվի քաղաքացաիական պատերազմը Սիրիայում, կուսակցության անդամները և գրասենյակները կտեղափոխվեն Սիրիա:

Աղբյուր` Ermenihaber.am