Թուրքական կայքը ընթերցող է գրավում «հայկական» վերնագրով

Տարածաշրջան10:24, 24 Հունիս 2015

Թուրքական կայքը ընթերցող է գրավում «հայկական» վերնագրով

Թուրքիայի խորհրդարանական ընտրություններում ձայների 13 տոկոսը ստանալով մեջլիս մտած ընդդիմադիր քրդամետ «Ժողովուրդների հանրապետական կուսակցության» (ԺԴԿ-HDP) անդամներից մեկի վերաբերյալ հետաքրքիր մեկնաբանություններ է արվել:

Թուրքական «muhabir.net» լրատվակայքի հաղորդմամբ՝ նախօրեին Թուրքիայի ազգային մեծ ժողովում (ԹԱՄԺ- TBMM) կայացած առաջին նիստի ժամանակ տեղի է ունեցել պատգամավորների երդման արարողությունը: Այդ ժամանակ ԺԴԿ պատգամավոր Մեհմեթ Ալի Ասլանը «Մեծն թուրք ազգ» արտահայտության փոխարեն ասել է «Թուրքիայի մեծ ազգ», ինչի պատճառով հարկադրված է եղել կրկնել իր երդումը:

Աղբյուրը նշում է, որ ինչպես հայտնի է դարձել, Ալի Ասլանի տատը ծագումով ասորի է: Թուրքական կայքը պատգամավորի լեզվի սայթաքումը կապում է նրա ծագման հետ: Սակայն հետաքրքրական է այն հանգամանքը, որ այս դիպվածը լուրի վենագրում արտացոլվել է բոլորովին այլ ձևով. այն հրապարակվել է «Պարզվում է՝ «թուրք ազգ» ասել չցանկացող ԺԴԿ պատգամավորը հայկական ծագում ունի» վերնագրով:

Աղբյուր` Ermenihaber.am