Դավութօղլու. «ԱՇԿ-ի հետ կոալիցիա կազմելու պահանջ կա»

Տարածաշրջան08:47, 26 Հունիս 2015

Դավութօղլու. «ԱՇԿ-ի հետ կոալիցիա կազմելու պահանջ կա»

Թուրքիայի վարչապետ և իշխող «Արդարություն և զարգացում» կուսակցության նախագահ Ահմեթ Դավութօղլու հայտնել է, որ առաջնայինը «Ազգայնական շարժում» կուսակցության (MHP-ԱՇԿ) հետ կոալիցիա կազմելու պահանջն է: Այս մասին Դավութօղլուն հայտնել է կուսակցության պատգամավորների հետ հանդիպման ժամանակ:

Թուրքական «T24» լրատվական կայքը հայտնում է, որ Դավութօղլուն նրանց տեղեկություններ է տրամադրել հունիսի 7-ին Թուրքիայում կայացած խորհրդարանական ընտրությունների արդյունքների վերլուծության մասին:

«Առաջնային է համարվում ԱՇԿ-ի հետ կոալիցիան, այդպիսի պահանջ կա: Մենք բոլոր քննարկումներից հետո ամենաճիշտ ընտրությունը կանենք»,- ասել է Դավութօղլուն:

Վերջինս անդրադարձել է նաև նահանգներում և գավառներում վարչական մարմինների ղեկավարների չարաշահումների հարցերին՝ նշելով որ այժմ այդ հարցով շատ բողոքներ է ստանում: Նա պատգամավորներին հորդորել է ավելի մեծ հետաքրքրություն ցուցաբերել տեղական ինքնակառավարման մարմիներին:

«Որ կուսակցությունից ուզում է լինի, երբ որևէ մեկը ինչ որ պաշտոնում 3-4 տարվա ընթացքում աչք ծակող կայնքով է սկսում ապրել, բնակարանից վիլլա է տեղափոխվում, անընդունելի են: Քաղաքային խորհրդից շրջանային ղեկավար մարմիններ տեղափոխվածների մեջ կան մարդիկ, որոնք իրենց մեքենաներն են փոխում, ընդարձակում են իրենց բիզնեսը: Այս ամենը մեզ թուլացնում է, երբ մենք չենք կարողանում դրանք վերահսկել»,- հայտնել է վարչապետ Դավութօղլուն:

Աղբյուր` Ermenihaber.am