Թուրքիայի պաշտպանության նախարարն առաջադրվել է մեջլիսի նախագահի թեկնածու

Տարածաշրջան13:11, 26 Հունիս 2015

Թուրքիայի պաշտպանության նախարարն առաջադրվել է մեջլիսի նախագահի թեկնածու

Թուրքիայի նորընտիր խորհրդարանում հայտնված կուսակցությունները ներկայացրել են մեջլիսի նախագահի պաշտոնի իրենց թեկնածուներին:

Քրդամետ «Ժողովուրդների դեմոկրատական» կուսակցությունը (HDP-ԺԴԿ) Միր Դենգիր Ֆրաթին է առաջադրել մեջլիսի նախագահի պաշտոնի համար:

Գլխավոր ընդդիմադիր «Ժողովրդահանրապետական» կուսակցությունն առաջադրել է կուսակցության նախկին նախագահ Դենիզ Բայքալի թեկնածությունը: Իսկ «Ազգայնական շարժում կուսակցության» թեկնածուն Էքմելեդդին Իհսանօղլուն է:

Թուրքական «HaberTürk» լրատվական կայքի տեղեկեցմամբ՝ իշխող «Արդարություն և զարգացում» կուսակցության թեկնածուն Թուրքիայի պաշտպանության նախարար Իսմեթ Յըլմազն է: Այս մասին հայտնել է վարչապետ և կուսակցության նախագահ Ահմեթ Դավութօղլուն կուսակցության պատգամավորների հետ հանդիպման ժամանակ:

Դավութօղլուն նշել է, որ սկզբում մեջլիսի նախագահի պաշոտնին երկու հավանական թեկնածու է եղել՝ Կրթության նախարար Նաբի Ավջըն և Իսմեթ Յըլմազը, որոնց հետ առանձին հանդիպումներ է ունեցել:

Վերջնական որոշումը կայացվել է հօգուտ Պաշտպանության նախարար Իսմեթ Յըլմազի:

Աղբյուր` Ermenihaber.am