Օտար ներդրողները դուրս են բերում իրենց ներդրումները Թուրքիայից

Տնտեսական11:56, 26 Հունիս 2015

Օտար ներդրողները դուրս են բերում իրենց ներդրումները Թուրքիայից

Օտար ներդրողները փախչում են Թուրքիայից: Այս մասին հաղորդում է թուրքական «bigbaba.com» լրատվակայքը՝ ընդգծելով, որ Դաշտային պահուստային համակարգի (FED) կողմից պարտատոմսերի տոկոսների բարձրացման վտանգից և հետընտրական շրջանում Թուրքիայում առաջացած ներքաղաքական անկայունությունից ելնելով օտար ներդրողները վերջին տասը տարվա համեմատ չափազանց մեծ արագությամբ դուրս են բերում իրենց ներդրումները Թուրքիայից:

Թուրքիայի Կենտրոնական բանկի կողմից հրապարակված հաշվետվության համաձայն՝ մինչև հունիսի 19-ը՝ մեկ շաբաթվա ընթացքում, Թուրքիայում ընդհանուր 875 մլն դոլար արժողությամբ բաժնետոմսեր և պարտատոմսեր են վաճառվել: Այսպիսով, 2015թ. ընթացքում ընդհանուր առմամբ 45.7 մլրդ դոլար է դուրս բերվել Թուրքիայից, ինչը իր ազդեցությունն է ունենում թուրքական ապրանքների գնի վրա: 2015թ. ընթացքում թուրքական լիրան 12 միավորով արժեզրկվել է՝ դառնալով Բրազիլական ռեալից հետո ողջ աշխարհում ամենաշատ արժեզրկված դրամը:

Թուրք ներդրումների գծով մասնագետ Ըշըք Օքթեն նշել է, որ օտարերկրյա ներդրողները FED –ի կողմից իրականացվելիք հնարավոր թանկացման, ինչպես նաև Թուրքիայում ակնկալվող վաղաժամ ընտրությունների պատճառով են ցանկանում վաճառել իրենց թուրքական պարտատոմսերը: Նա կարծիք է հայտնել, որ որոշ ներդրողների խրախուսում է թուրք քաղաքական կուսակցությունների միջև կոալիցիայի ստեղծման հավանականության մեծացումը: Իսկ արժեթղթերի ներքին վաճառքի թուրք մասնագետ Էրալ Քարայազըջըն էլ նկատել է տվել, որ այդ հավանականության մեծացման հետ ակնկալվում է նաև երկիր մուտք գործող ներդրումների ծավալի աճ:

Աղբյուր` Ermenihaber.am