Թուրքիան ռազմական տեխնիկա է կուտակում թուրք-սիրիական սահմանի մոտ (տեսանյութ)

Տարածաշրջան11:07, 30 Հունիս 2015

Թուրքիան ռազմական տեխնիկա է կուտակում թուրք-սիրիական սահմանի մոտ (տեսանյութ)

Թուրքիան ռազմական տեխնիկա է կուտակում թուրք-սիրիական սահմանի մոտ Սիրիայի տարածք հնարավոր ներխուժման նպատակով:

«Haber7» լրատվամիջոցի հաղորդմամբ` Թուրքիայի զինված ուժերը երկրի մի շարք սահմանամերձ նահանգներում զորքեր են կուտակել:

Գազիայնթեփ (պատմ. Այնթափ) նահանգի 5-րդ զրահատանկայինբրիգադից 32 տանկ է տեղափոխվել դեպի սահմանամերձ Քիլիս նահանգ: Բացի տանկերից Քիլիս են տեղափոխվել զրահամեքենաներ և զինվորական անձնակազմ: Սպառազինության մի մասը կուտակվելու է Քլիլիս նահագի Էլբեյլի շրջանում:

Թուրքական ռազմական ինքնաթիռներն արդեն իսկ նախավարժանք են իրականացնում Հաքքարիի Յուքսեքովա շրջանում, որը սահմանամերձ է Իրաքի հետ: Իսկ Մարդինի նահանգի Նուսայբըն շրջանում, որը շատ մոտ է Սիրիայի Քամըշլը քաղաքին, թուրք զիվորների կողմից փորվել է 2մ երկարությամբ և 3մ լայնությամբ 500 մետրանոց խրամատ:

Հիշեցնենք, որ այն բանից հետո, երբ «Իսլամական պետություն» (ԻՊ) ահաբեկչական կազմակերպության զինյալները Սիրիայի քրդական զորաջոկատների հաջող գործողությունների արդյունքում դուրս մղվեցին Սիրիայի Քոբանի բնակավայրից, Թուրքիան մեծ թվով ուժեր կուտակեց Սիրիայի սահմանին: