Էրդողան. «Փոքրամասնությունների իշխանությունը չի կարող լուծում լինել Թուրքիայի համար»

Քաղաքական11:06, 01 Հուլիս 2015

Էրդողան. «Փոքրամասնությունների իշխանությունը չի կարող լուծում լինել Թուրքիայի համար»

Թուրքիայի նախագահ Ռեջեփ Թայիփ Էրդողանը նախագահական պալատում ընդունել է մեջլիսի նախկին պատգամավորներին:

Թուրքական «Turkiyegazetesi.com» լրատվակայքի վկայությամբ՝ հանդիպման ժամանակ Էրդողանը որոշ հայտարարություններ է արել, որոնք, ինչպես աղբյուրն է նշում, կարող են համարվել նախազգուշացում՝ Թուրքիայի քաղաքական կուսակցություններին:

«Մեջլիսում ներկայացված կուսակցությունները քննության առաջ են կանգնած: Այդ քննությունը հաջողությամբ հանձնողներն առաջիկայում ժողովրդի կողմից իրենց պարգևը կստանան: Իսկ նրանք, ովքեր իրենց անձնական քաղաքական հաշիվները ժողովրդի կարիքներին են հակադրում, անկասկած, արժանին կստանան ժողովրդից: Ես համոզված եմ, որ փոքրամասնությունների իշխանությունը Թուրքիայի խնդիրներին լուծում չի կարող տալ»,- նկատել է Էրդողանը:

Թուրքիայի նախագահը նաև հայտարարել է, որ ժողովուրդն իրեն այդ պաշտոնին բերել է հենց նրա համար, որպեսզի նմանատիպ իրավիճակներում երկիրը ապահով և անվնաս պահի: Էրդողանը խոստացել է, որ թե կոալիցիայի ստեղծվելու, թե արտահերթ ընտրությունների դեպքում հնարավորինս կապահովվեն Թուրքիայի կայունությունն ու անվտանգությունը:

Աղբյուր` Ermenihaber.am