Թուրքիայի արտաքին առևտրաշրջանառությունում նվազել են արտահանման ծավալները

Տնտեսական10:34, 01 Հուլիս 2015

Թուրքիայի արտաքին առևտրաշրջանառությունում նվազել են արտահանման ծավալները

Թուրքիայի արտահանման ծավալները սկսել են նվազել 2015թ. հունիսին: Թուրքական «Fortuneturkey» լրատվակայքը, հղում անելով Թուրքիայի արտահանողների խորհրդի տվյալներին, նշում է, որ 2015թ. հունիսին նախորդ տարվա նույն ժամանակահատվածի համեմատ արտահանումը նվազել է 6.4 տոկոսո՝ կազմելով 11մլդ 703մլն դոլար:

Ընդհանուր առմամբ վերջին 12 ամիսների տվյալներով` Թուրքիայում արտահանման ծավալները, նվազելով 3.6 տոկոսով, կազմել են 150մլրդ 807մլն դոլար:

Վերոնշյալ խորհրդի տրամադրած տվյալներով` հունիսին Թուրքիայի արտահանման ծավալները դեպի Սաուդյան Արաբիա ավելացել են շուրջ 60 տոկոս, իսկ դեպի Եգիպտոս և Ավստրիա այդ ցուցանիշը հասել է համապատասխանաբար 18 և 17 տոկոսի:

Բացի դրանից Թուրքիան Պերուի հետ արտահանման ծավալներն ավելացրել է 162 տոկոսով, Ջիբութիի հետ 157 տոկոսով, Կոնգոյի հետ 148 տոկոսով, իսկ Սուդանի հետ 95 տոկոսով:

Նույն աղբյուրի համաձայն, եթե Թուրքիայի արտահանման ծավալները դեպի Մերձավոր Արևելք և Հյուսիսային Ամերիկա աճել են համապատասխանաբար 3.3 և 2 տոկոսով, ապա դեպի Աֆրիկա և Եվրամիություն այդ ցուցանիշը նվազել է շուրջ 6 տոկոսով:

Հունիս ամսվա տվյալներով` Թուրքիայի նահանգներից արտահանման ցուցանիշով առաջին տեղը զբաղեցնում է Գազիայնթեփ (պատմ. Այնթափ) նահանգը, որտեղ արտահանման ծավալներն ավելացել են շուրջ 4.4 տոկոսով:

Իսկ ահա 2015թ. հունիսին արտահանման ցուցանիշների նվազումը Թուրքիայի ներքոնշյալ քաղաքաների դեպքում հետևյալ պատկերն է կազմել:
Ադանա - 4.5 տոկոս
Սաքարիա - 21.3 տոկոս
Դենիզլի - 17.6 տոկոս
Իզմիր (պատմ. Զմյուռնիա) - 13.1 տոկոս
Անկարա - 11.7 տոկոս
Քոջայելի - 6.3 տոկոս
Ստամբուլ - 6 տոկոս: