Քրդական ուժերը հերքել են թուրք զինվորներ հետ ունեցած բախման մասին լուրերը

Տարածաշրջան13:43, 07 Հուլիս 2015

Քրդական ուժերը հերքել են թուրք զինվորներ հետ ունեցած բախման մասին լուրերը

Սիրիայի քրդական «Ժողովրդավարական միություն կուսակցության» (ԺՄԿ-PYD) ռազմական թև հանդիսացող «Ժողովրդական ինքնապաշտպանական ջոկատներ» (ԺԻՋ-YPG) կառույցի խոսնակ Ռեդուռ Խելիլը հերքել է այն տեղեկությունը, թե թուրք-սիրիական սահմանին գտնվող Թել-Աբյադ քաղաքում ԺԻՋ-ի և թուրքական զորքերի միջև բախում է եղել:

Թուրքական «gercekgundem» լրատվամիջոցի հաղորդմամբ` Խելիլը միայն տեղեկացրել է, որ երբ Թել-Աբյադ քաղաքին մոտ գտնվող Էլվե գյուղում մաքսանենգները բեռնատարով փորձել էին հատել Թուրքիայի սահմանը, զիվորները միայն այդ ժամանակ են կրակ բացել:

Նշենք, որ վերջերս Սիրիայի Քոբանի բնակավայրում «Իսլամական պետություւն» (ԻՊ) ահաբեկչական կազմակերպության գրոհայինների դեմ քրդական զորաջոկատների տարած հաղթանակներից հետո նպաստավոր պայմաններ են ստեղծվել Սիրիայի Հյուսիսային հատվածում քրդական ինքնավարություն ստեղծելու համար, ինչն էլ անհանգստացրել է պաշտոնական Անկարային:

Պատահական չէր, որ Թուրքիայի նախագահ Ռեջեփ Թայիփ Էրդողանը հայտարարել էր, որ Թուրքիան երբեք թույլ չի տա, որպեսզի հարավային սահմանների հատվածում նոր քրդական ինքնավարություն ձևավորվի:

Աղբյուր` Ermenihaber.am