Իրանցի պաշտոնյա. «Թուրքիան մեծ սխալ կգործի, եթե ներխուժի Սիրիա»

Տարածաշրջան11:28, 09 Հուլիս 2015

Իրանցի պաշտոնյա. «Թուրքիան մեծ սխալ կգործի, եթե ներխուժի Սիրիա»

Իրանի մեջլիսի Ազգային Անվտանգության և Արտաքին քաղաքականության հանձնաժողովի նախագահի պաշտոնակատար Մանսուր Հաքիքաթփուրը հայտարարել է, որ Թուրքիան մեծ սխալ կգործի, եթե ներխուժի Սիրիա:

Թուրքական «Objektifhaber» լրատվամիջոցը, հղում անելով իրանական «ICANA» լրատվական գործակալությունը, նշում է, որ Հաքիքաթփուրը դեմ է արտահայտվել Թուրքիայի` Սիրիայի տարածքում անվտանգության գոտի ստեղծելու առաջարկին:

«Չենք ցանկանում, որպեսզի Սիրիան թուրք զինվորների գերեզմանը դառնա: Թուրքական բանակի անմիջական միջամտությունը Սիրիայի պատերազմին և այդտեղ անվտանգության գոտու ստեղծումը Թուրքիայում օսմանականություն քարոզող տեսաբանների մեծ սխալը կլինի»,- նշել է Հաքիքաթփուրը :

Նա թուրքական զորքերի`Սիրիայի տարածք հնարավոր ներխուժումը համարելով ոչ գիտակից որոշում, նշել է, որ Իրանը դրա դեմ միջոցներ կձեռնարկի: Իրանցի պաշտոնակատարի խոսքերով Թուրքիան չպետք է համոզված լինի, որ «Իսլամական պետություն» (ԻՊ) ահաբեկչական կազմակերպությունը մի օր իր դեմ դուրս չի գա:

«Թուրքիայի սահմաններից այն կողմ բռնկվող կրակից Թուրքիան էլ կվառվի»»,-եզրափակել է Հաքիքաթփուրը:

Աղբյուր` Ermenihaber.am